Ivyo Ufumu wa Chiuta Uzamuchita pa Nkhani ya Nkhondo

Nkhondo zichali kulutilira kuchitika pa charu chose chapasi, ndipo ŵanthu ŵanandi ŵakusuzgika chifukwa cha nkhondo. Wonani malipoti ghakulondezgapo agha:

• “Chaka chamara, ŵanthu ŵanandi ŵali kufwa chomene chifukwa cha nkhondo kuluska chaka chinyake chilichose kufuma mu 1994. Ku Ethiopia na Ukraine ndiko ŵanthu ŵali kufwa chomene.”—Peace Research Institute Oslo, June 7, 2023.

• “Nkhondo ya ku Ukraine njimoza mwa nkhondo izo zasuzga chomene mu 2022. Chaka chamara, pa charu chose viwawa vya ndyali vikasazgikira na maperesenti 27, ndipo ŵanthu pafupifupi 1.7 biliyoni ŵakakhwaskika na viwawa ivi.”—The Armed Conflict Location & Event Data Project (ACLED), February 8, 2023.

Kweni Baibolo likutiphalira kuti vinthu viŵenge makora munthazi umu. Likuyowoya kuti: “Chiuta wakuchanya wazamwimika ufumu uwo kuti uzamuparanyika chara.” (Daniyeli 2:44) Kwizira mu Ufumu uwu panji kuti boma ili, Chiuta wazamulekeska “nkhondo pa charu chose chapasi.”—Salimo 46:9.