Ivyo Ufumu wa Chiuta Uzamuchita na Suzgo la Vyachuma

Pasono pa charu chose chapasi ntchakusuzga chomene kuti ŵanthu ŵasange ndalama zakukwana zakuti ŵagulire vinthu vyakukhumbikwa pa umoyo wawo, ndipo suzgo ili likukulirakulira.

• Lipotia la pa charu chose chapasi ilo lafuma sonosono, likulongora kuti “ndalama izo ŵanthu ŵakusanga pa mwezi zakhira chomene.” Ndipo lipoti ili likuchenjezga kuti para palije icho chichitikengepo, “mbumba zisuzgikenge chomene” kupambana na umo vikaŵira kumanyuma uku.

Kasi maboma ghakwaniskenge kumarana na suzgo ili panji kusinthako vinthu pachoko waka?

Baibolo likutiphalira kuti pali boma ilo lingamazga masuzgo ghose gha vyachuma kusazgapo mphambano iyo yilipo pakati pa ŵasambazi na ŵakavu. Likuyowoya kuti “Chiuta wakuchanya wazamwimika ufumu.” Ufumu uwu ndiwo uzamulongozga chilichose icho chikuchitika pa charu chapasi. (Daniyeli 2:44) Mu ufumu uwu, palije uyo wazamujowoleka panji kuluwika. (Salimo 9:18) Ufumu wa Chiuta uzamuwoneseska kuti ŵanthu ŵake ŵali na vyose ivyo vikukhumbikwa kuti ŵaŵe ŵakukondwa. Waliyose wazamukondwa na mulimo wa mawoko ghake.—Yesaya 65:21, 22.