Ivyo Ufumu wa Chiuta Uzamuchita na Ŵandyali Ŵakhuluku

Ŵanthu pa charu chose ŵavuka na ŵalongozgi ŵaboma ŵavimbundi, ndipo ŵakukhumba kuti ŵalongozgi ŵaboma ŵaŵenge ŵakugomezgeka. Pa kafukufuku uyo wakachitika mu vyaru vyakupambanapambana mu 2023, wakalongora kuti gulu lakwamba ilo ŵanthu ŵakuligomezga yayi, mbalaraŵalara ŵa boma.a

Kweni Baibolo likulongosora za boma linyake ilo Mulongozgi wake ngwakugomezgeka chomene kweniso wambura vimbundi. Boma ili ni Ufumu wa Chiuta, ndipo Yesu Khristu ndiyo ni Mulongozgi.—Yesaya 9:7.

Ivyo Yesu wakachitanga vikalongora kuti wakapweleleranga na kutemwa chomene ŵanthu. (Mateyu 9:35, 36) Pakuti iyo ndiyo ni Fumu ya Ufumu wa Chiuta, wazamukhazikiska urunji na mtende kwa wose awo wazamuŵalamulira.—Salimo 72:12-14.