Yesu Wazamumazga Nkhondo

Apo Yesu wakaŵa pa charu chapasi wakalongora kuti wakutemwa chomene ŵanthu mwakuti wakapeleka nanga mbumoyo wake chifukwa cha iwo. (Mateyu 20:28; Yohane 15:13) Sonosono apa, walongorengeso chitemwa chake pa ŵanthu apo wagwiliskirenge ntchito mazaza agho wali nagho pakuŵa Themba la Ufumu wa Chiuta kulekeska “nkhondo pa charu chose chapasi.”—Salimo 46:9.

Wonani ivyo Baibolo likuyowoya kuti Yesu wazamuchita:

• “Wazamuthaska mukavu uyo wakulilira wovwiri, wakuyuyuka na yose uyo walije movwiri. Wazamuchitira chitima wakuyuyuka na mukavu, ndipo wazamuponoska umoyo wa ŵakavu. Wazamuŵathaska ku kuyuzga na nkhaza.”—Salimo 72:12-14.

Kasi tingalongora wuli kuti tikuwonga vyose ivyo Yesu wali kutichitira kweniso ivyo watichitirenge munthazi? Nthowa yimoza nkhusambira za “makani ghawemi gha Ufumu wa Chiuta” agho iyo wakapharazganga. (Luka 4:43) Ŵazgani nkhani yakuti “Kasi Ufumu wa Chiuta Ni Vichi?