Yesu Wazamumazga Ukavu

Apo Yesu wakaŵa pa charu chapasi, wakalongora kuti wakutemwa chomene ŵanthu, chomene ŵakavu na ŵakusuzgika. (Mateyu 9:36) Iyo wakafika nanga mphakupeleka umoyo wake chifukwa cha ŵanji. (Mateyu 20:28; Yohane 15:13) Sonosono apa, walongorengeso kuti wakutemwa ŵanthu apo wagwiliskirenge ntchito mazaza agho wali nagho pakuŵa Themba la Ufumu wa Chiuta na kumazga ukavu pa charu chose chapasi.

Baibolo likulongosora makora ivyo Yesu wazamuchita:

• “Wavikilire ŵakavu pakati pa ŵanthu, waponoske ŵana ŵa ŵakavu.”—Salimo 72:4.

Kasi tingalongora wuli kuti tikuwonga vyose ivyo Yesu wali kutichitira kweniso ivyo watichitirenge munthazi?. Nthowa yimoza nkhumanya vya “makani ghawemi gha Ufumu wa Chiuta,” agho iyo wakapharazganga. (Luka 4:43) Ŵazgani nkhani yakuti “Kasi Ufumu wa Chiuta Ni Vichi?”