Kasi Ŵakaboni ŵa Yehova Ŵakuleka Kuyowoyeskana na Awo Ŵakaŵa mu Chisopa Chawo?

Kaboni wa Yehova uyo waleka kupharazgira ŵanji panji kusopa na Ŵakhristu ŵanyake, tikuleka yayi kumuyowoyeska. Kweni tikumwendera na kumovwira kuti wayambireso kuchita vinthu vyauzimu.

Kaboni uyo wachita kwananga kukuru, tikumuwuskamo bweka yayi mu mpingo. Kweni para wakuswa fundo za mu Baibolo mwadala ndipo wakupera yayi, tikumuwuskamo mu mpingo ndipo tikuleka kumuyowoyeska. Baibolo likuti: “Fumyanimo munthu muheni mukati mwinu.”—1 Ŵakorinte 5:13.

Kasi vikwenda wuli para mwanalume ŵamuwuskamo mu mpingo kweni muwoli na ŵana ŵake ŵachali Ŵakaboni ŵa Yehova? Ubali ukumara yayi, kweni ubali wauzimu ndiwo ukusintha. Nthengwa yikulutilira kweniso wakulutilira kuchita vinthu vinyake na mbumba yake.

Ŵanthu awo tili kuŵawuskamo mu mpingo ŵangasopa nase. Usange ŵakukhumba, ŵangapokera ulongozgi wauzimu ku ŵalara ŵa mpingo. Chilato ntchakuti tiŵawovwire kuti ŵawelere mu mpingo. Para ŵasintha nkharo yawo ndipo ŵakukhumba kulondezga fundo za mu Baibolo, tikuŵapokelera.