Kasi Satana Ndiyo Wakwambiska Masuzgo Ghose?

Ivyo Baibolo likuyowoya

Baibolo likuti Satana Dyabulosi waliko ndipo ni muryarya chomene. Wakugwiliskira ntchito “vimanyikwiro vyautesi” na “upusikizgi” kuti wafiske khumbo lake. Baibolo likuti, Satana “wakujizgora mungelo wa ungweru.” (2 Ŵatesalonika 2:9, 10; 2 Ŵakorinte 11:14) Masuzgo agho ghazara pa charu chapasi, mbukaboni wakuti Dyabulosi waliko.

Kweni Satana ndiyo wakwambiska masuzgo ghose yayi. Chiuta wali kulenga ŵanthu kuti ŵasankhenge ŵekha icho ntchiwemi na icho ntchiheni. (Joshua 24:15) Para tasankha uheni, tikusuzgika.—Ŵagalatiya 6:7, 8.