Mafumbo Agho Baibolo Likuzgora
Kasi caru capasi cikapangika na cilato wuli?
Caru capasi cikanozgeka kuti ŵanthu ŵakhalengemo mwakukondwa
Caru capasi cili kupangika mu nthowa yakuti pakhalenge vinthu vyamoyo. Cili na maji, agho ngakukhumbikwa ku umoyo. Caru cili kusendekeka makora, ndipo cikuzingilira zuŵa mwakwenelera mwakuti maji gha mu nyanja ghaleke komira cifukwa ca kuzizima comene panji kukamuka cifukwa ca kocha comene. Mlengalenga na nkhongono yakuguza vinthu iyo yili pa caru vikovwira kuti cithukivu ciheni cileke kufika pa caru capasi. Nchakuzizika comene kuwona umo vyakumera na vinyama vikovwilirana pa caru capasi. Ntheura, ŵanthu ŵanandi ŵakuti caru capasi cili kupangika na cilato.—Ŵazgani Yesaya 45:18.
Kweni nyengo zinyake mungajifumba kuti: Kasi cilato ici cikusazgapo kusuzgika na kucitirana nkhaza?—Ŵazgani Duteronome 32:4, 5.
Kasi cilato ici cizamufiskika?
Caru capasi cikapangika kuti ŵanthu ŵakhalengemo mwakukondwa, ŵacindikanenge na kutemwa uyo wali kuŵalenga. Ntheura pali cilato cikuru ico ŵanthu ŵali kulengekera kuluska vyakumera panji vinyama. Ise tingamumanya uyo wali kutilenga ndipo tingadokera na kutolera citemwa na urunji wake.—Ŵazgani Mupharazgi 12:13; Mika 6:8.
Mlengi withu wangafiska vyose ivyo wakukhumba kucita. Ntheura tikugomezga kuti wazamuwuskapo masuzgo na nkhaza na kunozga caru capasi kuŵa malo ghawemi ghakukhalamo ŵanthu.—Ŵazgani Salmo 37:11, 29; Yesaya 55:11.