Wovwirani Ŵasambiri Ŵinu Ŵakanenge Mendezgano Ghaheni

Kuti ŵasambiri ŵaŵe paubwezi na Yehova, ŵakwenera kusankha ŵabwezi ŵawemi ŵakuchezga nawo. (Sa 15:1, 4) Ŵabwezi ŵawemi ŵaŵawovwirenge kuti ŵachitenge vinthu viwemi.—Zi 13:20; lff sambiro 48.

Ŵani ŵalusungu para mukovwira ŵasambiri ŵinu ŵa Baibolo kuti ŵagegenge mendezgano ghaheni. Vingaŵasuzga kuti ŵaleke kuchezga na ŵabwezi ŵawo awo ŵakusopa Yehova yayi. Ntheura mukwenera kulongora kuti mukuŵatemwa nanga mpha nyengo iyo mukusambira nawo yayi. Mungaŵalembera meseji, kuŵayimbira foni, panji kuŵayendera. Para ŵasambiri ŵinu ŵakukura mwauzimu, mungaŵachema na kuchezga nawo pamoza na ŵanthu ŵa Chiuta. Paumaliro ŵawonenge kuti ŵakusanga vinandi kuluska ivyo ŵataya. (Mrk 10:29, 30) Imwe namwe mukondwenge para mukuwona kuti banja la Yehova likukura.

WONELERANI VIDIYO YA MUTU WAKUTI, WOVWIRANI ŴASAMBIRI ŴINU ŴAKANENGE MENDEZGANO GHAHENI, NDIPO PAMANYUMA ZGORANI MAFUMBO AGHA:

• Kasi mendezgano ghaheni ni vichi?—1Ko 15:33

• Kasi Jade waghanaghananga kuti vinthu vyamuŵa wuli ku ntchezgo ya Ŵakhristu?

• Kasi Neeta wangumovwira wuli Jade kusanga ŵabwezi ŵawemi?