2 Berɛsosɛm
31 Na wɔwiee yeinom nyinaa pɛ, Israelfoɔ+ a wɔwɔ hɔ nyinaa kɔɔ Yuda nkuro mu,+ na wɔkɔbubuu abosom adum+ twitwaa abosonnua,+ na wɔbubuu sorɔnsorɔmmea+ ne afɔrebukyia+ a ɛwowɔ Yuda+ ne Benyamin ne Efraim+ ne Manase+ nyinaa kɔsii sɛ ɛsaeɛ; ɛno akyi no, Israelfoɔ no san kɔɔ wɔn nkuro mu, na obiara kɔɔ n’agyapadeɛ so.
2 Afei Hesekia de asɔfoɔ ne Lewifoɔ+ no sisii wɔn nnwuma so sɛdeɛ wɔn nkyekyɛmu+ teɛ, ekuo biara ne sɛdeɛ emu asɔfoɔ+ ne Lewifoɔ+ som teɛ, sɛ wɔmmɔ ɔhyeɛ afɔdeɛ+ ne asomdwoeɛ afɔdeɛ,+ na wɔnsom+ na wɔmfa aseda+ ne ayeyie+ mma wɔ Yehowa asɔrefie hɔ. 3 Na ɔhene de ne kyɛfa a ɛfiri n’agyapadeɛ+ mu maa sɛ wɔmfa mmɔ ɔhyeɛ afɔdeɛ,+ anɔpa ɔhyeɛ afɔdeɛ+ ne anwummerɛ ɔhyeɛ afɔdeɛ, ne ɔhyeɛ afɔdeɛ a wɔbɔ no home nna+ ne abosome foforɔ+ ne afahyɛ mmerɛ,+ sɛdeɛ wɔatwerɛ no Yehowa mmara mu+ no.
4 Afei nso ɔka kyerɛɛ nkurɔfoɔ a wɔtete Yerusalem no sɛ wɔmfa asɔfoɔ+ ne Lewifoɔ+ no kyɛfa mma wɔn na ama wɔadi+ Yehowa mmara so pɛpɛɛpɛ.+ 5 Berɛ a Israelfoɔ no tee asɛm no ara pɛ,+ wɔde ayuo mu adikan,+ ne nsã foforɔ,+ ne ngo+ ne ɛwoɔ+ ne afuo mu nnɔbaeɛ+ nyinaa ne adeɛ biara so ntotosoɔ du du bebree baeɛ.+ 6 Na Israelfoɔ ne Yudafoɔ a wɔtete Yuda nkuro mu+ no, wɔn nso de anantwie ne nnwan so ntotosoɔ du du ne akronkronneɛ+ a wɔayɛ no kronkron ama Yehowa wɔn Nyankopɔn so ntotosoɔ du du baeɛ. Wɔde ba bɛsum hɔ akuakuo. 7 Wɔfirii aseɛ hyehyɛɛ akuakuo no bosome a ɛtɔ so mmiɛnsa+ mu, na wɔwiee no bosome a ɛtɔ so nson+ mu. 8 Berɛ a Hesekia ne mpanimfoɔ+ no bɛhunuu akuakuo a ɛsum hɔ no, wɔhyiraa+ Yehowa ne ne man Israel.+
9 Akyire yi Hesekia bisaa asɔfoɔ ne Lewifoɔ no nneɛma akuakuo+ no ho asɛm. 10 Ɛnna ɔsɔfo panin Asaria+ a ɔfiri Sadok+ fie no ka kyerɛɛ no sɛ: “Ɛfiri berɛ a wɔfirii aseɛ de nneɛma+ no baa Yehowa fie no, nnipa no didi mee+ ma bebree ka,+ ɛfiri sɛ Yehowa na wahyira ne man,+ na deɛ aka na ɛsum hɔ pii yi.”
11 Ɛnna Hesekia kaa sɛ wɔnsiesie Yehowa fie adidibea+ hɔ. Enti wɔsiesiee hɔ. 12 Na wɔde nneɛma+ no ne ntotosoɔ du du+ no ne akronkronneɛ no baa nokorɛdie+ mu. Lewini Konania ne ɔpanin a ɔhwɛɛ nneɛma no soɔ, na n’abadiakyire ne ne nua Simei. 13 Na mpanimfoɔ a Ɔhene Hesekia hyɛɛ sɛ wɔmmoa Konania ne ne nua Simei no ne Yehiel ne Asasia ne Nahat ne Asahel ne Yerimot ne Yosabad ne Eliel ne Yismakia ne Mahat ne Benai, na Asaria+ na ɔdii nokorɛ Nyankopɔn fie so panin. 14 Na Lewini Yimnah ba Kore na ɔda apueeɛ+ pono no ano;+ ɔno na ɔhwɛɛ ayɛyɛdeɛ+ a wɔde brɛɛ nokorɛ Nyankopɔn no soɔ, na ɔkyekyɛɛ nneɛma a wɔde brɛɛ Yehowa+ ne akronkronneɛ mu ade kronkron+ no. 15 Na wɔn a wɔhyɛ n’ase ne Eden, Miniamin, Yesua, Semaia, Amaria ne Sekania; wɔn na wɔbuu wɔn anokwafoɔ+ de adwuma hyehyɛɛ wɔn nsa, sɛ wɔnkyɛ mma wɔn nuanom a wɔakyekyɛ wɔn mu+ no wɔ asɔfoɔ no nkuro+ mu, mma obiara nnya pɛpɛɛpɛ, panin ne kumaa nyinaa;+ 16 ɛsono deɛ wɔde maa mmarima a wɔadi mfeɛ mmiɛnsa rekorɔ+ a wɔtwerɛ wɔn din+ sɛ wɔmmɛsom wɔ Yehowa fie daa sɛdeɛ wɔn adwuma ne wɔn nkyekyɛmu teɛ no.
17 Yei ne asɔfoɔ no nkyekyɛmu sɛdeɛ wɔn agyanom abusuafie+ teɛ ne Lewifoɔ+ a wɔadi mfeɛ aduonu+ rekorɔ no, sɛdeɛ wɔn adwuma ne wɔn nkyekyɛmu+ teɛ; 18 wɔn mma nkumaa nyinaa ne wɔn yerenom, wɔn mma mmarima ne wɔn mma mmaa, wɔn a wɔtwerɛɛ wɔn din, asafo no nyinaa, ɛfiri sɛ adwuma a wɔbuu wɔn anokwafoɔ+ de hyɛɛ wɔn nsa no nti, wɔdwiraa+ wɔn ho maa akronkronneɛ; 19 ne Aaron mma,+ asɔfoɔ a wɔtete wɔn nkuro ho mfikyisase so mfuo mu no.+ Kuro biara mu no, wɔyiyii mmarima bobɔɔ wɔn din sɛ wɔmfa mmarima a wɔyɛ asɔfoɔ no ne Lewifoɔ a wɔtwerɛ wɔn din no kyɛfa mmema wɔn.
20 Na Hesekia yɛɛ yei wɔ Yuda nyinaa, na ɔyɛɛ deɛ ɛyɛ+ na ɛtene+ na ɛyɛ nokorɛ+ Yehowa, ne Nyankopɔn ani so. 21 Na adwuma biara a ɔfirii aseɛ nokorɛ Nyankopɔn fie som mu+ ne mmara+ ne ahyɛdeɛ no mu sɛ ɔde bɛhwehwɛ+ ne Nyankopɔn no, ɔde n’akoma+ nyinaa na ɛyɛeɛ, na ɛsii no yie.+