Hiob

34 Elihu toaa ne nsɛm no so sɛ:

 2 “Montie me nsɛm, mo anyansafoɔ;

Na monyɛ asõ mma me, mo animdefoɔ.

 3 Ɛfiri sɛ asõ na ɛsɔ nsɛm hwɛ,+

Sɛdeɛ dodom ka aduane hwɛ no.+

 4 Momma yɛnhwehwɛ nsɛm mu;

Na yɛnhunu deɛ ɛyɛ wɔ yɛn ntam.

 5 Hiob aka sɛ, ‘M’asɛm yɛ dɛ,+

Nanso Onyankopɔn na wadane m’atemmuo ani.+

 6 Enti mɛtumi adi atorɔ m’atemmuo ho?

M’akuro bɔne ntumi nwu, nanso mmarato bi nni me ho.’+

 7 Ɔbarima bɛn na ɔte sɛ Hiob+

A ɔnom animtiabuo sɛ nsuo?+

 8 Ɔreyɛ asi nnebɔneyɛfoɔ ayɔnkofa kwan so,

Ne amumuyɔfoɔ kwan mu.+

 9 Ɛfiri sɛ waka sɛ, ‘Mfasoɔ bi nni so mma ɔbarima+

Sɛ ɔne Onyankopɔn bɛbɔ.’

10 Enti mo a mowɔ nteaseɛ akoma,+ montie me.

Ɛmpare nokorɛ Nyankopɔn sɛ ɔbɛyɛ bɔne,+

Ne adeɛ nyinaa so Tumfoɔ sɛ ɔbɛyɛ deɛ ɛntene!+

11 Sɛdeɛ ɔbarima nneyɛɛ teɛ na ɔbɛtua no ka,+

Na sɛdeɛ onipa kwan teɛ no, saa ara na ɔbɛma aba ne soɔ.

12 Ampa ara, Onyankopɔn deɛ, ɔnyɛ bɔne,+

Na adeɛ nyinaa so Tumfoɔ no, ɔnkyea atemmuo.+

13 Hwan na ɔde wiase hyɛɛ ne nsa,

Na hwan na ɔde asase nyinaa maa no?

14 Sɛ ɔde n’ani si obi so,

Na ɔboaboa onii no honhom ne ne home ba ne nkyɛn a,+

15 Honam nyinaa bɛgyaa mu,

Na ɔdasani asan akɔ dɔteɛ mu.+

16 Enti sɛ wowɔ nteaseɛ a, tie yei;

Yɛ asõ tie me nsɛm.

17 Enti deɛ ɔkyiri atɛntenenee bɛdi tumi?+

Na sɛ otumfoɔ tene a, wobɛbu no fɔ?+

18 Obi bɛtumi aka akyerɛ ɔhene sɛ, ‘Woyɛ ohuhuni’?

Na ɔbɛtumi aka akyerɛ atitire sɛ, ‘Moyɛ nnebɔneyɛfoɔ’?+

19 Yɛwɔ Obi a ɔnhwɛ akunini anim

Na ɔmmu otitire nsene ɔbrɛfoɔ,+

Ɛfiri sɛ wɔn nyinaa yɛ ne nsa ano adwuma.+

20 Ɛnkyɛ na wɔawuwu,+ anadwo dasuom;+

Wɔwoso biribiri, na wɔtwam kɔ,

Na atumfoɔ twam a nsa biara nka wɔn.+

21 Ɛfiri sɛ n’ani tua onipa akwan,+

Na n’anammɔn nyinaa ɔhunu.

22 Esum anaa esum kabii biara nni hɔ

Na abɔnefoɔ ahunta mu.+

23 Ɔnhyɛ berɛ mma onipa biara

Sɛ ɔnkɔ Onyankopɔn anim, atemmuo mu.

24 Ɔbubu atumfoɔ+ a ɛnhia sɛ ɔhwehwɛ mu brɛ ansa,

Na ɔde afoforɔ si wɔn ananmu.+

25 Ne saa nti, ɔtumi hunu sɛdeɛ wɔn nnwuma teɛ,+

Na ɔka wɔn gu anadwo ma wɔbubu.+

26 Ɔbobɔ wɔn sɛ nnebɔneyɛfoɔ

Wɔ nnipa anim;+

27 Ɛfiri sɛ wɔagyae n’akyiridie,+

Na wɔansusu n’akwan mu biara ho,+

28 Na ɛma ɔbrɛfoɔ sufrɛ duru n’aso mu;

Na ɔtie mmɔborɔni sufrɛ.+

29 Sɛ ɔma kommyɛ ba a, hwan na ɔbɛtumi abu no fɔ?

Na sɛ ɔde n’anim hunta+ a, hwan na ɔbɛtumi ahu no?

Sɛ ɔde hunta ɔman+ oo, sɛ ɔde hunta onipa oo, ne nyinaa adekorɔ no ara.

30 Ɛno remma ɔwaefoɔ nni tumi,+

Na ɛremma biribi nsum nnipa fidie.+

31 Obi wɔ hɔ a ɔbɛtumi aka akyerɛ Onyankopɔn sɛ,

‘Amanehunu ato me berɛ a mennii mfomsoɔ;+

32 Me deɛ, menhunu deɛ mayɛ, enti wo ara kyerɛ me;

Sɛ mayɛ bɔne bi a,

Merenyɛ bio’?+

33 Ɔbɛhyɛ w’ananmu sɛdeɛ wopɛ, berɛ a woapo atemmuo yi?

Ɛfiri sɛ wo na wopɛ no saa, na ɛnyɛ me.

Sɛ wonim biribi a, kasa.

34 Nnipa a wɔwɔ nteaseɛ akoma+ bɛka akyerɛ me—

Ɔbarima nyansafoɔ a ɔretie me na ɔbɛka sɛ,

35 ‘Hiob deɛ, ɛnyɛ nimdeɛ mu na ɔkasa,+

Na nhunumu nni nsɛm a ɔka mu.’

36 M’agya, ma wɔnsɔ Hiob nhwɛ nkɔsi aseɛ

Ɛsiane mmuaeɛ a ɔde ma amumuyɔfoɔ nti.+

37 Ɛfiri sɛ ɔde atuateɛ ka ne bɔne ho;+

Ɔbɔ ne nsam wɔ yɛn mu, na ɔma ne nsɛm dɔɔso tia nokorɛ Nyankopɔn!”+