Dwom

12 O Yehowa, gye me,+ na nokorɛdifoɔ asa;+

Anokwafoɔ ayera wɔ nnipa mma mu.

 2 Nkontomposɛm na wɔkeka kyerɛ wɔn ho;+

Wɔde anodɛ+ keka nsɛm a ɛfiri akoma ntanta+ mu.

 3 Yehowa bɛtwa ano a ɛyɛ dɛ nyinaa afiri hɔ,

Kɛtrɛma a ɛkeka nsɛnkɛseɛ,+

 4 Wɔn a wɔka sɛ: “Yɛde yɛn kɛtrɛma bɛdi nkonim.+

Yɛn ano wɔ hɔ yi, hwan na ɔbɛtumi adi yɛn soɔ?”

 5 “Mmɔborɔni a wɔhyɛ ne soɔ, ne ohiani apinisie+ nti,

Mɛsɔre afei,” Yehowa na ɔseɛ.+

“Mɛbɔ ne ho ban afiri obiara a ɔbu no animtia ho.”+

 6 Yehowa nsɛm yɛ nsɛm a ɛho teɛ,+

Ɛte sɛ dwetɛ a wɔapa mu wɔ fam fononoo mu, deɛ wɔayiyi mu mprɛ nson.

 7 O Yehowa, wo ara wobɛhwɛ wɔn so;+

Wobɛkora wɔn mu biara so wɔ awoɔ ntoatoasoɔ yi mu akɔsi daa.

 8 Nnebɔneyɛfoɔ nenam baabiara,

Ɛfiri sɛ wɔkamfo amumuyɔdeɛ wɔ nnipa mma mu.+