Dwom

11 Yehowa ne me dwankɔbea.+

Mobɛyɛ dɛn aka akyerɛ me kra sɛ:

“Dwane sɛ anomaa kɔ mo bepɔ so!+

 2 Na hwɛ! nnebɔneyɛfoɔ akuntunu agyan mu,+

Wɔde dua no asi agyan homa no so

Sɛ wɔrebɛto no sum mu awɔ akomam teefoɔ.+

 3 Berɛ a fapem no asɛeɛ+ yi,

Ɛdeɛn na ɔteneneeni bɛtumi ayɛ?”

 4 Yehowa wɔ n’asɔrefie kronkron no mu.+

Yehowa deɛ, n’ahennwa wɔ soro.+

N’ani tua biribiara, n’aniwa na ɔde pɛɛpɛɛ nnipa mma mu.+

 5 Yehowa na ɔpɛɛpɛɛ ɔteneneeni ne ɔdebɔneyɛfoɔ mu,+

Na obiara a n’ani gye awudisɛm ho no, Ne kra kyiri no koraa.+

 6 Ɔbɛma mfidie ne gya ne sɔfe+ atɔ agu nnebɔneyɛfoɔ so,

Ɛne mframa a emu yɛ hyeɛ, na ɛno ne kuruwa a wɔbɛnom.+

 7 Yehowa tene;+ ɔdɔ adetenenee.+

Teefoɔ na wɔbɛhunu n’anim.+