Dwom

15 O Yehowa, hwan na ɔbɛsoɛ wo ntomadan+ mu?

Hwan na ɔbɛtena wo bepɔ kronkron no soɔ?+

 2 Deɛ ɔnante nokorɛdie mu+ na ɔyɛ adetenenee,+

Na ɔka nokwasɛm n’akomam.+

 3 Ɔmfa ne kɛtrɛma nsɛe nkurɔfoɔ din.+

Ɔnyɛ ne yɔnko bɔne,+

Na ne mfɛfoɔ nso, ɔmmɔ wɔn ahohora.+

 4 Ɔmmu nipa huhuni hwee n’ani so,+

Na wɔn a wɔsuro Yehowa deɛ, ɔdi wɔn ni.+

Sɛ ɔka ntam na ɛtia no mpo a, ɔnsesa n’ano.+

 5 Ɔmfa ne sika mma nnye nsiho,+

Na ɔnnye deɛ ne ho nni asɛm nkyɛn adanmudeɛ.+

Deɛ ɔyɛ yeinom nyinaa no, ɔrenhinhim da biara da.+