Dwom

4 O me tenenee Nyankopɔn,+ sɛ mefrɛ wo a, gye me so.

Sɛ mekɔ ahohia mu a, ma mentumi ntwa me ho.

Hu me mmɔbɔ+ na tie me mpaebɔ.

 2 Nnipa mma, mobɛbu m’animuonyam+ animtia akɔsi da bɛn?

Mobɛdɔ adehunu akɔsi da bɛn?

Mobɛdi atorɔ akyi akɔsi da bɛn? Sela.

 3 Monhunu sɛ ɛyɛ deɛn ara a, Yehowa bɛma n’anokwafoɔ+ ada nso;

Mefrɛ Yehowa a, ɔbɛtie me.+

 4 Mo bo fu a, monnyɛ bɔne.+

Momma mo nsɛm ntena mo akoma mu mo mpa so,+ na monyɛ komm. Sela.

 5 Mommɔ tenenee afɔdeɛ,+

Na momfa mo ho nto Yehowa so.+

 6 Nnipa pii reka sɛ: “Hwan na ɔbɛma yɛahunu papa?”

O Yehowa, ma w’anim hann nhyerɛn yɛn so.+

 7 Wobɛma m’akoma ani agye+

Asene berɛ a wɔn nnɔbaeɛ ne wɔn nsã foforɔ abu soɔ.+

 8 Asomdwoeɛ mu na mɛkɔ me kɛtɛ soɔ, na asomdwoeɛ mu na mɛda,+

Ɛfiri sɛ wo Yehowa nko ara na woma menya ahotɔ.+