Solomon Dwom

5 “Me nuabaa,+ m’ayeforɔ,+ maba me turo mu.+ Matete me kurobo+ aka m’aduhwam ho. Madi me woɔkyɛm aka ɛwoɔ+ ho, na manom me nsã aka me nufosuo ho.”

“Nnamfoɔ, monnidi! Monnom ɔdɔ mma no mmo mo!”+

2 “Mada nanso m’akoma anyane.+ Mate sɛ me dɔfo rebɔ pono mu!”+

“Bue me,+ me nuabaa, m’akomam hemmaa, m’aborɔnoma a wodi mũ!+ Bosuo ayɛ me tirim mã, anadwo bosuo+ afɔ me tiri nwi.”

3 “‘Hwɛ, mayi m’atadeɛ; mɛyɛ dɛn ahyɛ bio? Mahohoro me nan ho; mɛyɛ dɛn ayɛ ho fĩ?’ 4 Afei me dɔfo twee ne nsa firii ɛpono no ano tokuro mu, na me yam+ hyee me. 5 Na mesɔree sɛ merekɔbue me dɔfo, na me nsa ho kurobo ne me nsateaa ho kurobo nsuonsuo sosɔ guu krɔkrɔ no ho. 6 Mebuee sɛ me dɔfo mmra mu, nanso na me dɔfo adane ne ho, watwam kɔ. Berɛ a ɔrekasa no, me ho mmoa nyinaa dwaneeɛ. Mehwehwɛɛ no, nanso manhu no.+ Mefrɛɛ no, nanso wammua me. 7 Awɛmfoɔ+ a wɔnam kurom no bɛtoo me. Wɔbobɔɔ me pirapiraa me. Awɛmfoɔ a wɔwɛn afasuo+ no yii me nkatanimu.

8 “Yerusalem mma mmaa,+ meka ntam gu mo so+ sɛ sɛ mohunu me dɔfo a,+ monka nkyerɛ no sɛ ɔdɔ ho anigyina abɔ me yareɛ.”+

9 “O mmaa mu hoɔfɛfoɔ,+ ɛdeɛn na wo dɔfo de sene ɔdɔfoɔ foforɔ?+ Ɛdeɛn koraa na wo dɔfo de sene ɔdɔfoɔ foforɔ a enti woaka ntam a ɛte sei agu yɛn soɔ yi?”+

10 “Me dɔfo te sɛ ahwehwɛ, na ɔbere. Mmarima mpem du gyinagyina hɔ a, ɔda nso.+ 11 Ne tiri yɛ sika, sika kɔkɔɔ a wɔapa mu. Ne tiri nwi yɛ adɔbɛ aba, na ɛyɛ tumm sɛ kwaakwaadabi. 12 N’ani mma te sɛ mmorɔnoma a wɔwɔ nsuo ho, mmorɔnoma a wɔdware nufosuo mu a wɔsisi nsunoa. 13 N’afono te sɛ turom akofie a aduhwam ayɛ so mã,+ abantenten a wɔde nnuhwam ahyehyɛ. N’ano yɛ sukooko a ɛsosɔ kurobo.+ 14 Ne nsateaa yɛ sika kɔkɔɔ a wɔde sikabereɛboɔ ahyehyɛ mu, na ne yafunu yɛ asommɛn a wɔde hoaboɔ adura ho. 15 Ne nan yɛ abohemmaa adum a ne nnyinasoɔ yɛ sika kɔkɔɔ. N’ahoɔfɛ te sɛ Lebanon, na ɔda mu fua te sɛ tweneduro.+ 16 Ne dodom yɛ adɔkɔdɔkɔdeɛ, na ne ho biribiara yɛ anika nko ara.+ Yerusalem mma mmaa, oyi ne me dɔfo, m’adamfo a menni ne ho agorɔ.”