Solomon Dwom
6 “Mmaa mu hoɔfɛfoɔ,+ ɛhe na wo dɔfo korɔ? Ɛhe na wo dɔfo de n’ani akyerɛ? Kyerɛ yɛn na yɛne wo nyinaa nkɔhwehwɛ no.”
2 “Me dɔfo kɔ ne turo mu,+ baabi a aduhwam akofie wɔ.+ Ɔrekɔhwɛ ne nnwan+ wɔ nturo no mu na watete sukooko. 3 Mewɔ hɔ ma me dɔfo, na me dɔfo wɔ hɔ ma me.+ Ɔhwɛ ne nnwan+ wɔ sukooko mu.”
4 “O m’akomam hemmaa,+ wo ho yɛ fɛ sɛ Anika Kuro,*+ wo ho twa te sɛ Yerusalem,+ na wo ho yɛ hu sɛ asraafoɔdɔm+ a wɔahyia wɔn frankaa ase.+ 5 Yi w’ani+ firi m’anim na ɛregyegye me. Wo nwi te sɛ mmirekyie a wɔresiane firi Gilead.+ 6 Wo sẽ te sɛ nnwan a wɔfiri adwareeɛ aba, nnwan a wɔn nyinaa awowo nta a obiara ba nwuiɛ.+ 7 W’asontorɔm te sɛ granate akutuo a wɔapae mu mmienu, wo nkatanimu mu.+ 8 Ahemmaa aduosia ne mpenafoɔ aduɔwɔtwe ne mmabaa a wɔnni ano wɔ hɔ.+ 9 Nanso baako pɛ ne m’aborɔnoma+ a ɔdi mũ.+ Ɔno na ɔda ne maame akoma soɔ, ne nã a ɔkyem woo no no ba a asɛm nni ne ho. Mmabaa hu no na wɔyi no ayɛ; ahemmaa ne mpenafoɔ hu no na wɔkamfo no sɛ,+ 10 ‘Ɔbaa+ bɛn na ɔhwɛ fam te sɛ adekyeeɛ,+ ne ho yɛ fɛ sɛ bosome a atwa puduo,+ ɔhyerɛn sɛ awia,+ na ne ho yɛ hu sɛ asraafoɔdɔm a wɔahyia wɔn frankaa ase yi?’”+
11 “Mekɔɔ atea* turom+ kɔhwɛɛ nnua a afefɛ subɔn mu.+ Mekɔhwɛɛ sɛ bobe afefɛ na granate akutuo nnua agu nhyerɛnee anaa.+ 12 M’ani baa me ho soɔ no, na me kra de me akɔtena me man ayamyɛfoɔ nteaseɛnam mu.”
13 “San bra, san bra, O Sulamit! San bra ɛ, san bra na yɛnhwɛ wo!”+
“Ɛdeɛn koraa na mohunu no Sulamit ho?”+
“Biribi a ɛte sɛ akuo mmienu asa!”