Galatifoɔ
2 Ɛno akyi mfeɛ dunan no, mesan ne Barnaba+ kɔɔ Yerusalem,+ na mefaa Tito nso kaa me ho. 2 Nanso adiyie+ bi nti na mekɔeɛ. Na mede asɛmpa a meka no amanaman mu no too wɔn anim+ kokoam, nnipa a wɔyɛ atitire no anim, ɛfiri sɛ na mesuro sɛ mmirika a meretuo+ anaa metuiɛ no yɛ kwa.+ 3 Na Tito+ a na ɔka me ho a ɔyɛ Helani no mpo wɔanhyɛ no sɛ ɔntwa twetia.+ 4 Na anuanom atorofoɔ+ a wɔaba mu kodɛɛ+ no ntira; wɔn na wɔawiawia wɔn ho aba mu sɛ wɔrebɛhwɛ ahofadie+ a yɛwɔ no Kristo Yesu mu sɛdeɛ wɔde yɛn bɛyɛ nkoa+ koraa— 5 yɛango yɛn ho anhyɛ saa nnipa no ase,+ dabi, yɛanyɛ saa dɔnhwere baako pɛ mpo, sɛdeɛ ɛbɛyɛ a asɛmpa no ho nokorɛ+ no bɛtena mo mu.
6 Nanso wɔn a nnipa bu wɔn sɛ atitire+ no—sɛdeɛ berɛ bi na wɔteɛ mfa me ho+—Onyankopɔn nhwɛ sɛdeɛ obi teɛ wɔ nnipa ani so+—me fam deɛ, saa nnipa a wɔyɛ atitire yi amfa biribi foforɔ biara amma. 7 Mmom no, berɛ a wɔhunuu sɛ wɔde ahyɛ me nsa+ sɛ memfa asɛmpa no nkɔ momonotofoɔ+ nkyɛn sɛdeɛ Petro nso de kɔɔ twetiafoɔ nkyɛn no+— 8 Deɛ ɔmaa Petro tumi a ɛsɛ maa no yɛɛ asomafodwuma wɔ twetiafoɔ mu no maa me nso tumi+ a mede bɛyɛ saa wɔ amanaman mufoɔ mu; 9 aane, berɛ a Yakobo+ ne Kefa ne Yohane a wɔayɛ sɛ adum+ no hunuu adom+ a wɔde adom me+ no, wɔkyeaa me ne Barnaba+ nsam de kyerɛɛ ayɔnkofa,+ sɛ yɛnkɔ amanaman mufoɔ mu na wɔn deɛ, wɔnkɔ twetiafoɔ mu. 10 Nanso na ɛsɛ sɛ yɛkae ahiafoɔ.+ Ade korɔ no ara na mayere me ho dendeenden ayɛ.+
11 Nanso, berɛ a Kefa+ baa Antiokia+ no, meka sii n’anim sɛ wayɛ biribi a ɛmfa kwan mu.+ 12 Deɛ ɛbaeɛ ne sɛ ansa na nnipa bi a wɔfiri Yakobo+ hɔ reba no, na ɔne amanaman mufoɔ didi;+ nanso berɛ a wɔbaeɛ no, ɛsiane wɔn a wɔfiri twetiafoɔ mu no ho suro+ nti, ɔtwee ne ho firii wɔn ho tee ne ho.+ 13 Yudafoɔ a wɔaka no nso kɔkaa ne ho wɔ nyaatwom+ yi mu, maa Barnaba+ mpo kɔdii wɔn nyaatwom no akyi. 14 Nanso berɛ a mehunuu sɛ wɔnnante tẽẽ sɛdeɛ asɛmpa no ho nokorɛ no kyerɛ+ no, meka kyerɛɛ Kefa wɔn nyinaa anim+ sɛ: “Sɛ wo a woyɛ Yudani no bɔ wo bra sɛ amanaman muni na ɛnyɛ sɛ Yudani a, adɛn nti na worehyɛ amanaman mufoɔ sɛ wɔmfa Yudafoɔ kwan soɔ?”+
15 Yɛn a yɛfiri awosuo mu yɛ Yudafoɔ,+ na yɛnyɛ nnebɔneyɛfoɔ+ a wɔfiri amanaman mu no, 16 ɛsiane sɛ yɛnim no yie sɛ ɛnyɛ mmara nnwuma na wɔde bu onipa bem+ na mmom Kristo Yesu mu gyidie+ nko ara nti, yɛn nso yɛagye Kristo Yesu adi, na ama wɔafa Kristo mu gyidie so abu yɛn bem,+ na ɛnyɛ mmara nnwuma, ɛfiri sɛ ɛkaa mmara nnwuma nko a, anka wɔremmu ɔhonam biara bem.+ 17 Afei yɛn a yɛhwehwɛ sɛ wɔfa Kristo so bu yɛn bem+ no, sɛ wɔhu yɛn nso sɛ abɔnefoɔ+ a, ɛnneɛ na Kristo yɛ bɔne somfoɔ anaa?+ Ɛnsɛ sɛ ɛba saa da! 18 Na sɛ mesan si deɛ berɛ bi medwiri guiɛ no bio+ a, meda me ho adi sɛ mmaratofoɔ.+ 19 Me deɛ, menam mmara so wuu wɔ mmara ho,+ na ama matena ase Onyankopɔn mu.+ 20 Wɔabɔ me asɛndua mu aka Kristo ho.+ Ɛnyɛ me na mete ase bio,+ na mmom ɛyɛ Kristo na ɔte me mu.+ Nokorɛm no, ase a mete ɔhonam mu seesei yi,+ mete no Onyankopɔn Ba a ɔdɔɔ me na ɔde ne ho too hɔ maa me+ no mu gyidie mu. 21 Mempia Onyankopɔn adom+ nto nkyɛn; ɛfiri sɛ sɛ tenenee nam mmara so na ɛba+ a, ɛnneɛ anka Kristo awu kwa.+