Atemmufoɔ

5 Saa da no, Debora+ ne Abinoam ba+ Barak+ too dwom+ sɛ:

 2 “Monhyira Yehowa+

Sɛ ɛko ho ntam nti, wɔgyaa wɔn tiri nwi guu soɔ wɔ Israel;

Sɛ nkurɔfoɔ yii wɔn yam baeɛ.+

 3 Ahemfo, montie;+ atitire, monyɛ aso:

Mɛto dwom ama Yehowa.

Mɛto ayeyi dwom+ ama Yehowa, Israel Nyankopɔn.+

 4 Yehowa, berɛ a wofiri Seir,+

Berɛ a wofiri Edom asase so baeɛ+ no,

Asase wosoeɛ,+ ɔsoro asusɔ tueeɛ,+

Na mununkum gyaa nsuo mu.

 5 Mmepɔ nane firii Yehowa anim,+

Sinai+ firii Israel Nyankopɔn+ Yehowa anim.+

 6 Anat ba Samgar+ berɛ so,

Yael berɛ so,+ akwan dedaa mpan,

Akwantufoɔ a wɔfa atempɔn soɔ nwonwan kɔfaa anammɔnkwan so.+

 7 Nnipa tu firii nkuraaseɛ, wɔtu firii Israel nkuraaseɛ+

Kɔsii sɛ me Debora,+ mesɔreeɛ,

Kɔsii sɛ mesɔree sɛ ɔbaatan wɔ Israel.+

 8 Wɔyii anyame foforɔ.+

Afei dɔm bɛto hyɛɛ wɔn so wɔ kuro apono ano.+

Ɛkyɛm oo, pea oo, ebi nni hɔ,

Israel mmarima mpem aduanan+ no nni bi.

 9 M’akoma da Israel asahene so,+

Wɔn a wɔyii wɔn yam baeɛ no so.+

Monhyira Yehowa.+

10 Mo a motete mfunumu abereɛ a wɔn ho adodoɔ soɔ,+

Mo a motete kuntu fɛfɛ soɔ,

Mo a mofa atempɔn soɔ,

Monsusu ho!+

11 Wɔtee nsusafoɔ nne nsubura ho,+

Na ɛhɔ na wɔfirii aseɛ kaa Yehowa adetenenee ho asɛm,+

Ɛhɔ na wɔkaa ne nkurɔfoɔ a wɔtete Israel nkuraaseɛ no adetenenee ho asɛm.

Afei Yehowa nkurɔfoɔ siane kɔɔ kuro apono ano.

12 Kanyan wo ho, Debora,+ kanyan wo ho;

Kanyan wo ho, kanyan wo ho, to dwom!+

Sɔre ɛ, Abinoam ba+ Barak,+ sɔre di wo nnommum anim kɔ!

13 Saa berɛ no na wɔn a wɔkaeɛ no baa atumfoɔ no nkyɛn;

Yehowa nkurɔfoɔ bɛgyinaa m’afa ko tiaa nnɔmmarima.

14 Efraimfoɔ wɔ asasetamaa so,+

Wɔbɛdii wo nkurɔfoɔ akyi, O Benyamin.

Makir+ mu na asahene firi baeɛ,

Na Sebulon mu na wɔn a wɔkura atwerɛfoɔ+ nneɛma pue baeɛ.

15 Ná Isakar+ akunini ka Debora ho,

Na sɛdeɛ Isakar teɛ no, saa ara na Barak+ teɛ.

Ɔnante kɔɔ asasetamaa no so.+

Ruben mmusua no akoma nsi pi.+

16 Ɛdeɛn nti na na wote nnesoa mmienu ntam

Retie mmɛn a nnwanhwɛfoɔ rehyɛne?+

Ruben mmusua no akoma nsi pi.+

17 Gilead tenaa ne fie wɔ Yordan agya nohoa;+

Na Dan nso, adɛn nti na ɔtenaa nsuhyɛn mu saa berɛ no?+

Aser yii n’ani tenaa mpoano,

Ɔtenaa hyɛn gyinabea hɔ ara.+

18 Sebulon de ne kra too ne nsam;+

Naftali+ nso yɛɛ saa ara wɔ nkokoɔ so.+

19 Ahemfo bɛkoeɛ;

Kanaan ahemfo bɛkoo+

Wɔ Taanak,+ Megido+ asuo ho.

Wɔannya dwetɛ biara amfa.+

20 Nsoromma firi soro bɛkoeɛ,+

Wɔfiri wɔn akwan so ne Sisera bɛkoeɛ.

21 Kison asubɔnten,+ tete asubɔnten,

Kison asubɔnten hohoroo wɔn kɔeɛ.+

Me kra, wotiatiaa akantinka so.+

22 Saa berɛ no, apɔnkɔ tuu mmirika kiridikiridi,+

Na wɔn nan pempem fam kimkim.

23 Yehowa bɔfoɔ+ kaa sɛ, ‘Monnome+ Meros,’

‘Monnome ɛhɔfoɔ,

Ɛfiri sɛ wɔammɛboa Yehowa,

Wɔamfa nnɔmmarima ammɛboa Yehowa.’

24 Wɔbɛhyira Kenini+ Heber yere Yael+ wɔ mmaa mu,

Wɔbɛhyira no mmaa mu wɔ ntomadan mu.+

25 Ɔbisaa nsuo, na ɔde nufosuo maa no;

Ɔde nufosuo guu atumfoɔ sɛn mu baeɛ.+

26 Ɔtenee ne nsa faa ntomadan pɛɛwa,

Na ɔde adwumayɛfoɔ abɔsobaa hyɛɛ ne nsa nifa mu.+

Ɔbɔɔ so wuraa Sisera tirim,+

Na ɔwaee n’asontorɔm.

27 Ɔhwee ne nan ntam daa hɔ;

Ɔhwee ne nan ntam;

Baabi a ɔhweeɛ no, ɛhɔ ara na n’ahoɔden kɔsoeɛ.+

28 Ɔbaa bi de n’ani hwɛɛ mpomma mu sɛ ɔbɛhu no anaa,

Sisera maame de n’ani hwɛɛ ntokuwa mu,+

‘Adɛn nti na ne teaseɛnam akyɛ saa?+

Adɛn nti na ɛbɛsi sɛsɛɛ mentee n’apɔnkɔ nan aseɛ?’+

29 Ne mmaa mu atitire a wɔyɛ anyansafoɔ+ bɛbua no,

Ɔno ara de ne nsɛm bɛbua ne ho,

30 ‘Ɛnyɛ asadeɛ na wɔrehwehwɛ, ɛnyɛ asadeɛ na wɔrekyɛ?+

Ɔsraani biara nya ababaa baako anaa mmienu,+

Na Sisera nso nya ntoma a wɔahyɛ no aduro,

Atadeɛ a wɔanwene mu, ntoma a wɔahyɛ no aduro, ne ntadeɛ mmienu a wɔanwene mu,

Asadeɛ a mmarima de bɛgu wɔn kɔn mu.’

31 Yehowa, ma w’atamfo nyinaa nsɛe saa ara,+

Na ma w’adɔfo+ nyɛ sɛ awia a ɛgyina so dendeenden.”+