Atemmufoɔ

 2 “Tiri nwi a wɔgya guu so* wɔ Israel nti,

Nnipa a wɔtuu wɔn ho maeɛ+ nti,

Monyi Yehowa ayɛ!

 4 Yehowa, berɛ a wopue firii Seir,+

Berɛ a wofirii Edom asaase so baeɛ no,

Asaase wosoe, nsuo hwie firii soro,

Na mununkum gyaa nsuo mu.

 5 Mmepɔ nanee* wɔ Yehowa anim,+

Sinai mpo nanee wɔ Yehowa, Israel Nyankopɔn no+ anim.+

 6 Anat ba Samgar+ berɛ so,

Yael berɛ so,+ obiara amfa akwantempɔn so bio;

Mfikyikwan so na akwantufoɔ faeɛ.

 7 Ná obiara nte akuraase bio wɔ Israel;

Obiara tu firii akuraa kɔsii sɛ me, Debora,+ mesɔreeɛ,

Kɔsii sɛ mesɔree sɛ ɔbaatan wɔ Israel.+

 8 Wɔkɔdii anyame foforɔ akyi;+

Afei ɛko kɔɔ so wɔ nkuro apono ano.+

Wɔanhunu kyɛm, na wɔanhunu pea

Wɔ Israel mmarima 40,000 mu.

 9 M’akoma di Israel asahene akyi,+

Asahene a wɔtuu wɔn ho maeɛ ne nkurɔfoɔ no kɔeɛ no.+

10 Mo a motete mfunumu a wɔn kɔla te sɛ kɔbere so,

Mo a motete kapɛt fɛfɛɛfɛ so,

Ne mo a monante kwantempɔn so,

Monnwene wei ho:

11 Wɔtee wɔn a wɔsa nsuo nne wɔ abura ho;

Ɛhɔ na na wɔreka Yehowa tenenee nnwuma ho asɛm,

Tenenee nnwuma a ne nkurɔfoɔ a wɔtete Israel nkuraaseɛ ayɛ no.

13 Wɔn a wɔkaeɛ no siane baa adehyeɛ no nkyɛn;

Yehowa nkurɔfoɔ siane bɛkaa me ho ko tiaa akatakyie.

14 Wɔfiri Efraim mu, wɔn a wɔwɔ ɛbɔn mu* no;

Wɔdi w’akyi wɔ wo nkurɔfoɔ mu, O Benyamin.

Makir+ mu na asahene firi sianeeɛ,

Na Sebulon mu na wɔn a wɔkura asraafoɔ anoboaboafoɔ poma* no firi siane baeɛ.

15 Ná Isakar aberempɔn ka Debora ho;

Sɛdeɛ Isakar kɔkaa ne ho no, saa ara na Barak+ nso kɔkaa ne ho.

16 Adɛn nti na wotenaa hɔ te sɛ aboa a wɔde nnesoa mmienu asoa no

A ɔretie atɛntɛbɛn a nnwanhwɛfoɔ rebɔ?+

17 Gilead kɔɔ so tenaa Yordan agya;+

Na Dan nso, adɛn nti na ɔkɔɔ so tenaa po so hyɛn mu?+

Aser yii n’ani tenaa mpoano,

Na po so hyɛn gyinabea a ɛyɛ ne dea no, ɛhɔ na ɔkɔɔ so tenaeɛ.+

18 Sebulonfoɔ de wɔn nkwa too wɔn nsam;*

Naftali nso yɛɛ saa ara+ wɔ nkokoɔ no so.+

19 Ahemfo bae, na wɔbɛkoe;

Kaanan ahemfo bɛkoe+

Wɔ Taanak, Megido nsuo ho.+

20 Nsoromma firi soro bɛkoe;

Wɔfiri wɔn akwan so ne Sisera bɛkoe.

21 Kison nsuo hohoroo wɔn kɔe,+

Kison nsuo, tete nsuo no.

22 Na n’apɔnkɔ tuu mmirika kiridi-kiridi-kiridi;

Wɔn nan pempem fam kim-kim-kim.+

23 Yehowa bɔfoɔ kaa sɛ, ‘Nnome nka Meros,’

‘Aane, nnome nka wɔn a wɔtete Meros,

Ɛfiri sɛ wɔammɛboa Yehowa,

Wɔamfa ɔsabarima biara ammɛboa Yehowa.’

24 Yael na wɔahyira no paa wɔ mmaa mu,+

Kenini Heber+ yere no;

Mmaa a wɔte ntomadan mu nyinaa, ɔno na wɔahyira no paa.

26 Ɔtenee* ne nsa faa dua a wɔde bɔ ntomadan mu tim fam,

Na ɔde ne nsa nifa faa adwumayɛfoɔ hamma.*

Ɔde hwee Sisera tirim; ɔpɛkyɛɛ ne ti,

Na ɔde bɔɔ n’asontorɔm;+ ɔbɔɔ so wuraa mu.

27 Ɔtwa hwee ne nan ntam; ɔhwee hɔ, na wansɔre bio;

Ɔtwa hwee ne nan ntam, na ɔhwee hɔ;

Baabi a ɔtwa hweeɛ no, ɛhɔ ara na ɔdii nkoguo.

28 Ɔbaa bi de n’ani hwɛɛ mpomma mu,

Sisera maame de n’ani hwɛɛ nkantankantan mu,

‘Adɛn nti na ne teaseɛnam akyɛ saa?

29 Ne* mmaa a wɔdi mu a wɔnim nyansa paa no bɛma no mmuaeɛ;

Aane, ɔno ara nso bɛkasakasa sɛ,

30 ‘Sɛsɛɛ wɔrekyɛ nneɛma a wɔnyaa no ɛko mu no,

Ɔsabarima biara, ababaawa* baako anaa mmabaawa* mmienu,

Ntoma a wɔahyɛ no aduro, ntoma a wɔahyɛ no aduro na wɔde ama Sisera,

Ataadeɛ a wɔanwene biribi agu mu, ntoma a wɔahyɛ no aduro, ntaadeɛ mmienu a wɔanwene biribi agu mu

Na wɔde agu wɔn a wɔfom nneɛma no kɔn mu.’

31 O Yehowa, saa na ma w’atamfo nyinaa nsɛe,+

Na w’adɔfoɔ deɛ, ma wɔnyɛ sɛ awia a ɛde animuonyam repue.”