Berɛsosɛm Nwoma a Ɛdi Kan

9 Wɔtwerɛɛ Israelfoɔ nyinaa din sɛdeɛ wɔn mmusua teɛ; wɔtwerɛɛ no Israel Ahemfo Nwoma no mu. Yuda asoɔden nti, wɔde wɔn kɔɔ Babilon.+ 2 Wɔn a wɔdii kan bɛtenaa wɔn asaase so bio wɔ wɔn kurom ne Israelfoɔ no bi, asɔfoɔ, Lewifoɔ ne asɔrefie asomfoɔ no.*+ 3 Wɔn a wɔyɛ Yuda+ asefoɔ, Benyamin+ asefoɔ, Efraim asefoɔ, ne Manase asefoɔ a wɔbɛtenaa Yerusalem no nie: 4 Utai a ɔyɛ Amihud ba, Omri ba, Imri ba, Bani ba a ɔfiri Yuda ba Peres+ asefoɔ mu. 5 Silo asefoɔ: n’abakan Asaia ne ne mma. 6 Sera+ asefoɔ: Yeuel ne wɔn nuanom, mmarima 690.

7 Benyamin asefoɔ nie: Salu a ɔyɛ Mesulam ba, Hodawia ba, Hasenua ba, 8 ne Yeroham ba Yibnai, ne Ela a ɔyɛ Usi ba, Mikri ba, ne Mesulam, Sefatia ba, Reuel ba, Yibnia ba. 9 Wɔn nuanom asefoɔ yɛ 956 sɛdeɛ wɔatwerɛ wɔn abusuafoɔ din. Mmarima yi nyinaa yɛ wɔn agyanom abusuafie mpanimfoɔ.

10 Wɔn mu asɔfoɔ no nie: Yedaia, Yoiarib ne Yakin,+ 11 ne Asaria a ɔyɛ Hilkia ba, Mesulam ba, Sadok ba, Meraiot ba, Ahitab ba; ná Ahitab yɛ ɔpanin wɔ nokorɛ Nyankopɔn no fie* hɔ; 12 wɔn mu bi nso ne Adaia a ɔyɛ Yeroham ba, Pasur ba, Malkiya ba, Masai ba, Adiel ba, Yasera ba, Mesulam ba, Mesilemit ba, Imer ba, 13 ne wɔn nuanom, wɔn agyanom abusuafie mpanimfoɔ; mmarima a wɔbɔ wɔn ho mmɔden 1,760 a wɔyɛ adwuma wɔ nokorɛ Nyankopɔn no fie.

14 Wɔn mu Lewifoɔ nie: Semaia+ a ɔyɛ Hasub ba, Asrikam ba, Hasabia ba a wɔyɛ Merari asefoɔ; 15 ne Bakbakar, Heres, Galal ne Matania a ɔyɛ Mika ba, Sikri ba, Asaf ba, 16 ne Obadia a ɔyɛ Semaia ba, Galal ba, Yedutan ba, ne Berekia a ɔyɛ Asa ba, Elkana ba; ɔno na ɔtenaa Netofafoɔ+ mu.

17 Apono ano ahwɛfoɔ+ no ne Salum, Akub, Talmon ne Ahiman. Wɔn nua Salum na na ɔda wɔn ano; 18 ɔno na ɛde bɛsi saa berɛ no na ɔhwɛ ɔhene pono ano wɔ apueeɛ fam.+ Weinom ne apono ano ahwɛfoɔ a na wɔwɔ Lewifoɔ asoɛeɛ hɔ. 19 Wɔn mu bi nso ne Salum a ɔyɛ Kore ba, Ebiasaf ba, Kora ba; ɔne ne nuanom Kora asefoɔ a wɔfiri n’agya fie na na wɔdeda adwuma no ano; ná wɔyɛ ntomadan no ano ahwɛfoɔ, na wɔn agyanom na wɔyɛ apono ano ahwɛfoɔ wɔ Yehowa asoɛeɛ hɔ. 20 Kane no, Eleasar+ ba Finehas+ na na ɔda wɔn ano, na Yehowa dii n’akyi. 21 Meselemia ba Sakaria+ na na ɔyɛ ahyiaeɛ ntomadan no pono ano hwɛfoɔ.

22 Wɔn a wɔyii wɔn sɛ apono ano ahwɛfoɔ a wɔhwɛ abobow ano no nyinaa yɛ 212. Wɔtenatenaa wɔn nkuro mu sɛdeɛ wɔn mmusua teɛ.+ Weinom na Dawid ne ɔdehwɛfoɔ Samuel+ buu wɔn anokwafoɔ na wɔde wɔn totoo adwuma ano. 23 Apono ano ahwɛfoɔ adwuma a wɔyɛ wɔ Yehowa fie,+ ntomadan fie no, wɔne wɔn mma na na wɔhwɛ so. 24 Apono ano ahwɛfoɔ no gyinagyinaa afanan; apueeɛ, atɔeɛ, atifi, ne anaafoɔ.+ 25 Ná nhyehyɛeɛ bi wɔ hɔ sɛ ɛwom ara a, wɔn nuanom a wɔwɔ wɔn atenaeɛ no ne wɔn bɛba abɛsom nnanson. 26 Wɔde apono ano ahwɛfoɔ anokwafoɔ nnan totoo adwuma no ano. Wɔyɛ Lewifoɔ; wɔn na wɔhwɛɛ nokorɛ Nyankopɔn no fie adidibea ne adekoradan no so.+ 27 Anadwo biara, na wɔbɛgyinagyina nokorɛ Nyankopɔn fie no ho hyia, ɛfiri sɛ na wɔyɛ awɛmfoɔ, na na safoa no hyɛ wɔn nsa; wɔn na na wɔbuebue apono anɔpa biara.

28 Wɔn mu binom hwɛɛ nneɛma+ a wɔde som so; ná wɔkan ansa na wɔde aba, na wɔsan kan ansa na wɔde akɔ. 29 Wɔyii ebinom nso sɛ wɔnhwɛ nneɛma yi so: anwenneɛ ne anwenneɛ kronkron no nyinaa,+ esiam muhumuhu,+ nsã,*+ ngo,+ ɛhyɛ,*+ ne balsam ngo.+ 30 Ná asɔfoɔ mma no binom de balsam ngo yɛ sradehwam. 31 Lewini Matitia a ɔyɛ Kora aseni Salum abakan no ne ɔnokwafoɔ a na ɔhwɛ nneɛma a wɔtõ wɔ nkyɛnsee mu+ so. 32 Wɔn nuanom Kohat asefoɔ no bi na wɔhwɛɛ paanoo a wɔde taataa so no* so;+ ná wɔtõ no homeda biara.+

33 Weinom ne nnwontofoɔ no, Lewifoɔ agyanom abusuafie mpanimfoɔ a wɔyɛɛ adwuma wɔ adekora adan* no mu; wɔanyɛ nnwuma foforɔ biara, ɛfiri sɛ na ɛyɛ wɔn asɛdeɛ sɛ wɔyɛ wɔn adwuma no awia ne anadwo. 34 Weinom ne Lewifoɔ agyanom abusuafie mpanimfoɔ, atitire no, sɛdeɛ wɔatwerɛ wɔn abusuafoɔ din. Wɔtenaa Yerusalem.

35 Gibeon agya Yeiel tenaa Gibeon;+ ná ne yere din de Maaka. 36 N’abakan ne Abdon, na wɔn a wɔdi hɔ ne Sur, Kis, Baal, Ner, Nadab, 37 Gedor, Ahio, Sakaria ne Miklot. 38 Miklot woo Simeam. Wɔne wɔn nuanom a wɔaka nyinaa tena bɛn wɔn nuanom wɔ Yerusalem. 39 Ner+ woo Kis, Kis woo Saul;+ Saul nso woo Yonatan,+ Malki-Sua,+ Abinadab,+ ne Esbaal. 40 Yonatan ba ne Merib-Baal,+ na Merib-Baal woo Mika.+ 41 Mika mma ne Piton, Melek, Tarea, ne Ahas. 42 Ahas woo Yara; Yara nso woo Alemet, Asmawet, ne Simri. Simri nso woo Mosa. 43 Mosa woo Binea, na ɔno nso woo Refaia, na ɔno nso woo Eleasa, na ɔno nso woo Asel. 44 Asel woo mma nsia. Wɔn din nie: Asrikam, Bokeru, Ismael, Searia, Obadia, ne Hanan. Weinom ne Asel mma.