Yesaia

18 Due! Asaase a wɔte ntuboa ntaban nnyegyeeɛ wɔ so,

Asaase a ɛwɔ Etiopia nsubɔnten ho.+

 2 Ɛsoma nkurɔfoɔ* fa po so,

Ɛma wɔde ahyɛn a wɔde mmɛwa* ayɛ fa nsuo so, na ɛka sɛ:

“Monkɔ, asomafoɔ* a mo ho yɛ hare,

Monkɔ ɔman a emufoɔ yɛ atenten na wɔn ho yɛ tromtrom no nkyɛn,

Monkɔ nnipa a wɔsuro wɔn wɔ baabiara no nkyɛn,+

Monkɔ ɔman a wɔn ho yɛ den na wɔredi nkonim* no nkyɛn,

Ɔman a nsubɔnten ahohoro wɔn asaase no.”

 3 Mo a mote wiase ne mo a mote asaase so nyinaa,

Deɛ mobɛhunu no bɛyɛ sɛ ahyɛnsodeɛ* a wɔde asi mmepɔ so,

Na mobɛte nne bi te sɛ deɛ wɔrebɔ abɛn.

“Mɛyɛ komm na mahwɛ m’atenaeɛ,*

Te sɛ awia ketee ne emu ahuhuro,

Te sɛ bosuo mununkum wɔ twaberɛ mu ahuhuro mu.

 5 Ansa na twaberɛ bɛduru no,

Sɛ nhyerɛnee gu wie na bobe no gyegye a,

Wɔde kantankrankyi* bɛtwitwa deɛ afefɛ wɔ ho no,

Na wɔatwitwa ɛho nhoma ato agu.

 6 Wɔbɛgya wɔn afunu nyinaa ama mpɛtɛ

Ne asaase so mmoa.

Mpɛtɛ bɛtena wɔn nam ho ahuhuro berɛ,

Na asaase so mmoa nyinaa atena ho twaberɛ.

 7 Saa berɛ no, wɔde akyɛdeɛ bɛbrɛ asafo Yehowa.

Wɔde bɛfiri ɔman a emufoɔ yɛ atenten na wɔn ho yɛ tromtrom no nkyɛn,

Nnipa a wɔsuro wɔn wɔ baabiara no,

Ɔman a wɔn ho yɛ den na wɔredi nkonim no,*

Ɔman a nsubɔnten ahohoro wɔn asaase no.

Na wɔde bɛba baabi a asafo Yehowa din wɔ, Sion Bepɔ so.”+