1 Berɛsosɛm
14 Na Tiro hene+ Hiram+ somaa abɔfoɔ kɔɔ Dawid nkyɛn de tweneduro nnua+ ne abantofoɔ ne dua adwumfoɔ kɔɔ sɛ wɔnkɔsi fie+ mma no. 2 Na Dawid hunuu sɛ Yehowa ama n’ahennie atim+ Israel so, na ne man Israel nti, wama n’ahennie so.+
3 Dawid warewaree yerenom+ bio wɔ Yerusalem, na Dawid san woo mma mmarima ne mma mmaa bebree.+ 4 Ne mma a ɔwoo wɔn Yerusalem no din nie: Sammua,+ Sobab,+ Natan+ ne Solomon,+ 5 ne Ibhar,+ Elisua ne Elpelet,+ 6 ne Noga, Nefeg+ ne Yafia, 7 ne Elisama,+ Beeliada ne Elifelet.+
8 Filistifoɔ no tee sɛ wɔasra Dawid asi no hene wɔ Israel nyinaa so.+ Enti Filistifoɔ no nyinaa bɛhwehwɛɛ Dawid.+ Berɛ a Dawid teeɛ no, ɔfirii adi kɔɔ wɔn so. 9 Filistifoɔ no baa afom wɔ Refaim+ asasetamaa no so. 10 Ɛnna Dawid bisaa Onyankopɔn+ sɛ: “Menkɔ Filistifoɔ no so? Wode wɔn bɛhyɛ me nsa anaa?” Na Yehowa ka kyerɛɛ no sɛ: “Kɔ, na mede wɔn bɛhyɛ wo nsa.” 11 Enti Dawid kɔɔ Baal-Perasim,+ na ɔkɔkunkum wɔn wɔ hɔ. Ɛnna Dawid kaa sɛ: “Nokorɛ Nyankopɔn nam me nsa so abu afa m’atamfo so sɛdeɛ nsuo bu fa nneɛma soɔ no.” Ɛno na ɛmaa wɔfrɛɛ hɔ+ Baal-Perasim. 12 Na wɔgyigyaa wɔn anyame wɔ hɔ,+ na Dawid ka maa wɔde gya hyeeɛ.+
13 Akyire yi, Filistifoɔ no baa afom bio wɔ asasetamaa no so.+ 14 Ɛnna Dawid san bisaa+ Onyankopɔn, na nokorɛ Nyankopɔn ka kyerɛɛ no sɛ: “Nkɔhyia wɔn. Kɔ na kɔfiri wɔn akyi bra, na to hyɛ wɔn so wɔ baka* nnua no anim.+ 15 Sɛ ɛba sɛ wote nnyegyeeɛ a ɛte sɛ nnipa nanteɛ wɔ baka nnua+ no so a, kɔko,+ ɛfiri sɛ nokorɛ Nyankopɔn adi w’anim+ rekɔkunkum Filistifoɔ asraafoɔ no.” 16 Dawid yɛɛ sɛdeɛ nokorɛ Nyankopɔn hyɛɛ no no ara,+ na wɔkunkum Filistifoɔ asraafoɔ firii Gibeon+ kɔsii Geser.+ 17 Na Dawid ho asɛm+ trɛ kɔɔ nsase nyinaa so, na Yehowa maa ne ho hu tɔɔ aman nyinaa so.+