113 Monyi Yah ayɛ!+

Yehowa nkoa, monyi no ayɛ,+

Monyi Yehowa din ayɛ.+

 2 Nhyira nka Yehowa din+

Firi nnɛ kɔsi daa.+

 3 Monyi Yehowa din ayɛ+

Firi apueeɛ kɔsi atɔeɛ.+

 4 Yehowa yɛ ɔsorosoroni wɔ aman nyinaa so;+

N’animuonyam tra ɔsoro.+

 5 Hwan na ɔte sɛ Yehowa, yɛn Nyankopɔn,+

Deɛ ɔte ɔsorosoro no?+

 6 Ɔbrɛ ne ho ase hwɛ ɔsoro ne asase so,+

 7 Na ɔma ɔbrɛfoɔ so firi mfuturo mu;+

Ɔma ohiani so firi sumina so,+

 8 Na ɔma no tena atitire mu,+

Ne nkurɔfoɔ mu atitire mu.+

 9 Ɔma obonini nya fie tena mu+

Sɛ́ ɔbaatan a ɔwɔ anigyeɛ.+

Monyi Yah ayɛ!+