Ɔwɛn-Aban INTANƐT SO NWOMAKORABEA

Dwom 22:atifi asɛm-31

Twerɛ Kronkron—Wiase Foforɔ Nkyerɛaseɛ
- Wɔde ma dwonkyerɛfo, Adekyeeɛ Foroteɛ so. Dawid dwom.
  
  22 Me Nyankopɔn, me Nyankopɔn, adɛn nti na woagya me?+
  Adɛn nti na wontie+
  Me nsɛm a mede tea mu?+
  
  2 O me Nyankopɔn, mefrɛ wo adekyeeɛ, nanso wommua me;+
  Na ɛduru anadwo nso a, menka m’ano ntom.+
  
  3 Woyɛ kronkron,+
  Na Israel ayeyie atwa wo ho ahyia.+
  
  4 Wo na yɛn agyanom de wɔn ho too wo soɔ;+
  Wɔde wɔn ho too wo so, na wogyee wɔn.+
  
  5 Wo na wɔteaam frɛɛ woɔ,+ na wogyee wɔn;+
  Wo na wɔde wɔn ho too wo soɔ, na wɔn ani anwu.+
  
  6 Na me deɛ, meyɛ sonsono,+ menyɛ nipa,
  Meyɛ ahohoradeɛ ma nnipa ne atantanneɛ ma aman.+
  
  7 Wɔn a wɔhu me nyinaa di me ho fɛ;+
  Wɔbaebae wɔn anom, na wɔwosowoso wɔn ti+ ka sɛ:
  
  8 “Ɔde ne ho ato Yehowa so.+ Ma No nnye no ɛ!+
  Sɛ wagye no atom ampa a, ma no nnye no nkwa!”+
  
  9 Wone Deɛ ɔyii me firii yafunu mu,+
  Berɛ a metua me maame nufo ano no,+ womaa menyaa ahotɔsoɔ.
  
  10 Mefiri yafunu+ mu na wɔde me too wo soɔ;
  Wone me Nyankopɔn firi me maame yam.+
  
  11 Mma me ne wo ntam nnware, ɛfiri sɛ ahohia abɛn me,+
  Na ɔboafoɔ foforɔ bi nni hɔ.+
  
  12 Anantwinini bebree atwa me ho ahyia;+
  Basan anantwinini ahoɔdenfoɔ atwa me ho ahyia.+
  
  13 Wɔabuebue wɔn anom hwɛ me+
  Sɛ gyata a ɔretete nam mu na ɔrebobom.+
  
  14 Wɔahwie me agu sɛ nsuo,+
  Na me nnompe nyinaa ahwinhwan.+
  M’akoma ayɛ sɛ sradeɛ;+
  Anane wɔ me mu tɔnn.+
  
  15 M’ahoɔden asa sɛ kyɛmferɛ,+
  Me kɛtrɛma afam me dodom;+
  Owuo mfuturo mu na wode me asie.+
  
  16 Nkraman atwa me ho ahyia;+
  Nnebɔneyɛfoɔ asafodɔm aka me ahyem.+
  Wɔkura me nsa ne me nan mu+ sɛ gyata.
  
  17 Metumi kan me nnompe nyinaa.+
  Wɔn deɛ, wɔhwɛ me, wɔhwɛ me hãã.+
  
  18 Wɔkyekyɛ me ngugusoɔ mu fa,+
  Na m’atadeɛ nso, wɔbɔ so ntonto.+
  
  19 O Yehowa, mma me ne wo ntam nnware.+
  O m’ahoɔden,+ yɛ ntɛm bɛboa me.+
  
  20 Gye me kra firi nkrantɛ ano;+
  Gye m’adeɛ koro no firi kraman nsam.+
  
  21 Gye me firi gyata anom,+
  Tie me na gye me firi ɛkoɔ mmɛn mu.+
  
  22 Mɛbɔ wo din+ akyerɛ me nuanom;+
  Mɛyi wo ayɛ asafo mfimfini.+
  
  23 Mo a mosuro Yehowa nyinaa, monyi no ayɛ!+
  Yakob asefoɔ nyinaa, monhyɛ no animuonyam!+
  Israel asefoɔ nyinaa, mo ho mpopo n’anim.+
  
  24 Wammu ɔmanehunufoɔ animtia,+
  Na wantan no n’amanehunu mu;+
  Wamfa n’anim anhunta no;+
  Ɔsu frɛɛ no no, ɔtieeɛ.+
  
  25 Deɛ woayɛ nti na mɛyi wo ayɛ asafo kɛseɛ mu;+
  Mɛtua me bɔhyɛ adeɛ wɔ wɔn a wɔsuro woɔ no anim.+
  
  26 Ahobrɛasefoɔ bɛdidi na wɔamee;+
  Wɔn a wɔhwehwɛ Yehowa no bɛyi no ayɛ.+
  Mo akoma nnya nkwa daa.+
  
  27 Asase ano nyinaa bɛkae, na wɔadane aba Yehowa nkyɛn.+
  Amanaman mmusuakuo nyinaa bɛkoto w’anim.+
  
  28 Yehowa na ahennie wɔ no,+
  Ɔno na ɔdi amanaman soɔ.+
  
  29 Asase so akɛsefoɔ nyinaa bɛdidi na wɔakoto;+
  Wɔn a wɔkɔ mfuturo mu nyinaa bɛkoto n’anim,+
  Na obiara renkora ne kra so da.+
  
  30 Nkyirimma bɛsom no;+
  Wɔbɛka Yehowa ho asɛm akyerɛ awoɔ ntoatoasoɔ.+
  
  31 Wɔbɛba na wɔabɛka ne tenenee ho asɛm+
  Akyerɛ wɔn a wɔbɛwo wɔn no sɛ ɔno na wayɛ yei.+

Yesaia 53:1-12

Twerɛ Kronkron—Wiase Foforɔ Nkyerɛaseɛ
- 53 Hwan na wagye deɛ yɛateɛ no adie?+ Na hwan na wɔayi Yehowa basa+ akyerɛ no?+ 2 Ɔbɛfifi sɛ duban+ wɔ n’anim, te sɛ nhini wɔ asase kesee so. Ɔnyɛ onipa mũ biara, na ɔnni animuonyam,+ na yɛhu no a, biribiara nni ne ho a ɛbɛma ne ho ayɛ yɛn akɔnnɔ.+
  
  3 Nnipa buu no animtia, na wɔpoo no;+ ɔyɛ onipa a ɔhunuu yea na ɔnim yareɛ.+ Na yɛde yɛn anim huntaeɛ na n’ani antɔ yɛn anim.+ Nnipa buu no animtia, na yɛamfa no anyɛ hwee.+ 4 Nokorɛm no, ɔno na ɔsoaa yɛn nyarewa;+ ɔgyee yɛn yea hyɛɛ ne ho.+ Na yɛbuu no sɛ obi a Onyankopɔn atwe n’aso,+ wahwe no,+ na wama ne ho ahiahia no.+ 5 Nanso yɛn mmarato+ nti na wɔpiraa no,+ na yɛn mfomsoɔ nti na wɔbubuu no.+ Ɔgyee asotwe a ɛbɛma yɛanya asomdwoeɛ,+ na ɔde n’akuro+ saa yɛn yareɛ.+ 6 Yɛn nyinaa te sɛ nnwan a wɔafom kwan;+ obiara afa ne kwan. Na Yehowa ama yɛn nyinaa bɔne abɛgu ne so.+ 7 Wɔhyɛɛ no ahometeɛ,+ na ɔmaa kwan maa wɔtan n’ani,+ nanso wammue n’ano. Wɔde no kɔɔ sɛ odwan a wɔrekɔku no,+ na te sɛ odwan a wɔretwitwa ne ho nwi a wayɛ komm no, ɔno nso ammue n’ano.+
  
  8 Wɔhyɛɛ ne so de no kɔeɛ a wannya atemmuo;+ na hwan na ɔbɛha ne ho sɛ ɔbɛhunu n’ase?*+ Wɔtwaa no+ firii ateasefoɔ asase so.+ Me man mmarato+ nti na wɔboroo no.+ 9 Ne wuo mu no, wɔbɛsie no abɔnefoɔ+ ne adefoɔ mu,+ nanso wanni nsɛmmɔne biara,+ na nnaadaasɛm nni n’anom.+
  
  10 Nanso na ɛsɔ Yehowa ani sɛ ɔbɛbubu no,+ na ɔmaa no yareeɛ.+ Sɛ ɔde ne kra to hɔ sɛ asodie afɔdeɛ a,+ ɔbɛhunu n’asefoɔ,+ ɔbɛma ne nna akyɛ,+ na ne nsam na deɛ ɛsɔ Yehowa ani+ bɛgyina.+ 11 Ɔbɛhunu ne kra amanehunu,+ na n’akoma bɛtɔ ne yam.+ M’akoa+ teneneeni no nimdeɛ nti, ɔbɛma nnipa pii anya tenenee gyinabea;+ na ɔno ara bɛsoa wɔn bɔne.+ 12 Ɛno nti mɛma no anya kyɛfa wɔ nnipa pii mu+ na ɔne nnɔmmarima akyɛ asadeɛ,+ ɛfiri sɛ ɔde ne kra maa owuo,+ na wɔkan no fraa mmaratofoɔ.+ Ɔno na ɔsoaa nnipa pii bɔne,+ na ɔdi maa mmaratofoɔ.+

Yohane 20:27

Twerɛ Kronkron—Wiase Foforɔ Nkyerɛaseɛ
- 27 Afei ɔka kyerɛɛ Toma sɛ: “Fa wo nsateaa ka ha, na hwɛ me nsam na fa wo nsa+ ka me mfem, na gyae akyinnyegyeɛ na gye di.”