Dwom

40 Twɛn na metwɛnee Yehowa,+

Enti ɔyɛɛ aso maa me, na ɔtiee me sufrɛ.+

 2 Ɔyii me firii amena a ɛworoɔ mu,+

Atɛkyɛ a ɛpuo mu.+

Na ɔde me nan sii botan so;+

Ɔmaa m’anammɔn timiiɛ.+

 3 Na ɔde dwom foforɔ hyɛɛ m’anom;

Ayeyie nka yɛn Nyankopɔn.+

Nnipa pii bɛhunu na wɔasuro,+

Na wɔde wɔn ho ato Yehowa so.+

 4 Anigyeɛ ne ɔbarima a ɔde ne ho to Yehowa soɔ+

Na ɔnnane n’ani nkyerɛ asobrakyefoɔ,

Ne wɔn a wɔmane kɔdi atorɔ akyire.+

 5 Nneɛma pii na woayɛ ama yɛn,+

O Yehowa me Nyankopɔn, w’anwanwadwuma ne w’adwene;+

Wɔrentumi mfa obiara nto wo ho.+

Sɛ mese mereka ho asɛm na makasa ho a,

Ɛdɔɔso sene deɛ mɛtumi akan.+

 6 Afɔdeɛ ne ayɛyɛdeɛ deɛ, w’ani annye ho;+

Wobuee m’aso.+

Ɔhyeɛ afɔdeɛ ne bɔne ho afɔdeɛ, woammisa.+

 7 Ɛnna mekaa sɛ: “Maba,+

Wɔatwerɛ me ho asɛm wɔ nwoma mmobɔeɛ no mu.+

 8 Deɛ mepɛ ne sɛ mɛyɛ w’apɛdeɛ, O me Nyankopɔn,+

Na wo mmara wɔ m’akoma mu.+

 9 Maka tenenee ho asɛmpa asafo kɛseɛ mu.+

Hwɛ! Manka m’ano antom.+

O Yehowa, wonim.+

10 Mankata wo tenenee so wɔ m’akoma mu.+

Maka wo nokorɛ ne wo nkwagyeɛ ho asɛm.+

Mamfa w’adɔeɛ ne wo nokorɛ anhunta asafo kɛseɛ.”+

11 O Yehowa, mfa wo mmɔborɔhunu nkame me.+

Ma w’adɔeɛ ne wo nokorɛ mmɔ me ho ban daa nyinaa.+

12 Mmusuo a wɔnnim ano atwa me ho ahyia.+

Me mfomsoɔ bebree a ɛsene deɛ metumi hunu abu afa me so;+

Ɛdɔɔso sene me tiri nwi,+

Na m’akoma poo me.+

13 O Yehowa, ma no nyɛ wo fɛ sɛ wobɛgye me.+

O Yehowa, yɛ ntɛm bɛboa me.+

14 Ma wɔn a wɔrehwehwɛ me kra apra akorɔ no nyinaa+

Ani nwu na wɔmfɛre,+

Ma wɔn a wɔpɛ me amanehunu no nsan wɔn akyi na wɔn anim ngu ase.+

15 Ma wɔn a wɔka kyerɛ me sɛ: “Ahaa! Ahaa!” no,+

Mfa ahodwirie nhwɛ me, wɔn aniwuo mu.+

16 Ma wɔn a wɔhwehwɛ woɔ nyinaa ani nnye+

Na wɔnni ahurisie wo mu.+

Ma wɔn a wɔpɛ wo nkwagyeɛ no+ nka daa sɛ:

“Ma wɔnkamfo Yehowa.”+

17 Na me deɛ, meyɛ mmɔborɔni ne ohiani.+

Yehowa na ɔdwene me ho.+

Wone me boafoɔ ne me Gyefoɔ.+

O me Nyankopɔn, ntwentwɛn wo nan ase.+