Dwom

42 Sɛ́ ɔforoteɛ ani gyina nsuo no,

Saa ara na me kra ani agyina woɔ, O Onyankopɔn.+

 2 Ampa ara, Onyankopɔn ho sukɔm de me kra,+ Onyankopɔn teasefoɔ no.+

Da bɛn na mɛkɔ akɔgyina Onyankopɔn anim?+

 3 Me nisuo ayɛ me aduane awia ne anadwo;+

Na wɔbisa me daa sɛ: “Wo Nyankopɔn wɔ he?”+

 4 Mekae saa nneɛma yi, na awerɛhoɔ hyɛ m’akoma ma.*+

Ɛfiri sɛ me ne asafokuo no boom,

Medii wɔn anim ne wɔn nantee komm kɔɔ Onyankopɔn fie,+

Yɛde ahurisi dwom ne aseda nne kɔɔ+

Sɛ nnipakuo a wɔrehyɛ fã.+

 5 Me kra, adɛn nti na woabotoɔ?+

Na adɛn nti na wontumi nyɛ komm me mu?+

Twɛn Onyankopɔn,+

Na mɛkamfo no bio sɛ me nkwagyeɛ kɛseɛ.+

 6 O me Nyankopɔn, me kra aboto wɔ me mu.+

Ɛno nti na mekae woɔ,+

Yordan asase ne Hermon mmepɔ so,+

Bepɔ ketewa no.+

 7 Wo nsuo a ɛworo guo nnyegyeeɛ nti,

Ebunu frɛ ebunu.

W’asorɔkye akɛseɛ no nyinaa+—

Abu afa me so.+

 8 Yehowa bɛsoma n’adɔeɛ adekyeeɛ,+

Na mɛto ne dwom anadwo;+

Me nkwa Nyankopɔn no na mɛbɔ no mpaeɛ.+

 9 Mɛbisa Onyankopɔn, me botan no sɛ:+

“Adɛn nti na wo werɛ afiri me?+

Adɛn nti na mede awerɛhoɔ nanteɛ, atamfo nhyɛsoɔ nti?”+

10 Ahohora a m’ahohiafoɔ bɔ me no yɛ me sɛ deɛ wɔrebubu me nnompe mu;+

Na wɔbisa me daa sɛ: “Wo Nyankopɔn wɔ he?”+

11 Me kra, adɛn nti na woabotoɔ?+

Na adɛn nti na wontumi nyɛ komm me mu?+

Twɛn Onyankopɔn,+

Na mɛkamfo no bio sɛ me nkwagyeɛ kɛseɛ ne me Nyankopɔn.+