Deuteronomium

33 Ansa na nokorɛ Nyankopɔn nipa Mose+ rebɛwuo no, ɔhyiraa+ Israelfoɔ no. 2 Ɔkaa sɛ:

“Yehowa firi Sinai baeɛ,+

Na ɔfiri Seir puee wɔn so.+

Ɔhyerɛn firii Paran bepɔ so,+

Na abɔfo kronkron huhaa ka ne ho,+

Wɔn nnɔmmarima wɔ ne nsa nifa so.+

 3 Ɔdɔ ne man,+

Na wɔn akronkronfoɔ nyinaa wɔ wo nsam.+

Wɔbɛtenatenaa wo nan ase,+

Na wɔtiee w’asɛm.+

 4 (Mose maa yɛn mmara,+

Yakob asafo no agyapadeɛ.)+

 5 Ɔbɛyɛɛ ɔhene wɔ Yesurun,+

Berɛ a ɔman no mpanimfoɔ hyiaeɛ,+

Berɛ a Israel mmusua nyinaa hyiaeɛ no.+

 6 Ma Ruben ntena ase, mma no nnwu,+

Mma ne fiefoɔ so nnte.”+

7 Na ɔhyiraa Yuda+ nso sɛ:

“Yehowa, tie Yuda adesrɛ,+

Na fa no bra ne nkurɔfoɔ nkyɛn.

Ne nsa ako ama no;

Boa no gye no firi n’atamfo nsam.”+

8 Deɛ ɔka faa Lewi ho nso nie:+

“Wo Tumim ne Urim*+ yɛ deɛ ɔdi wo nokorɛ no dea,+

Deɛ wosɔɔ no hwɛɛ wɔ Masa no.+

Wo ne no dii asie Meriba nsuo ho.+

 9 Ɔno na ɔka kyerɛɛ ne papa ne ne maame sɛ, ‘Menhuu no.’

Ne nuanom mpo ɔpoo wɔn,+

Na ne mma nso, na ɔnnim wɔn.

Wɔdii w’asɛm so,+

Na wɔkuraa w’apam mu.+

10 Ma wɔmfa w’atemmusɛm nkyerɛkyerɛ Yakob+

Na wɔmfa wo mmara nkyerɛkyerɛ Israel.+

Ma wɔnhye aduhwam wo hwene ano pɛɛ,+

Na wɔmmɔ afɔdeɛ mũ w’afɔrebukyia so.+

11 Yehowa, hyira no ma no ahoɔden,+

Na ma w’ani nnye ne nsa ano adwuma ho.+

Wɔn a wɔsɔre tia no no, hwan wɔn dwonku,+

Na wɔn a wɔkyiri no nso yɛ wɔn saa ara, na wɔansɔre bio.”+

12 Deɛ ɔka faa Benyamin ho nie:+

“Ma deɛ Yehowa dɔ no+ no ntena ne nkyɛn dwoodwoo,+

Ɔmmɔ ne ho ban da mũ nyinaa,+

Na ɔmfa no nsi akɔnkɔn.”+

13 Deɛ ɔka faa Yosef ho nso nie:+

“Yehowa nhyira n’asase daa,+

Na ɔmma no ɔsoro nnepa, ɔsoro bosuo,+

Ne subunu a ɛwɔ fam.+

14 Ɔmma no nnepa, awia deɛ,+

Na ɔmma no nnepa, bosome biara deɛ.+

15 Ɔmma no apueeɛ mmepɔ so nnepa,+

Ne nkokoɔ a ɛtim hɔ daa so nnepa.

16 Ɔmma no asase so nnepa ne deɛ ɛwɔ soɔ nyinaa bi,+

Na ɔnnya deɛ ɔte nkyɛkyerɛ mu no anim adom.+

Ne nyinaa mmra Yosef atifi,+

Ɛmmra deɛ wɔyii no firii ne nuanom mu no apampam.+

17 N’animuonyam te sɛ nantwinini abakan,+

Na ne mmɛn yɛ ɛkoɔ mmɛn.+

Ɔde bɛpiapia aman+

Na wɔn nyinaa akɔgu asase ano,

Ɛno ne Efraim ɔpedudu,+

Ne Manase mpempem.”

18 Deɛ ɔka faa Sebulon ho nso nie:+

“Sebulon, ma w’ani nnye w’akwantuo mu,+

Isakar nso, wo ntomadan mu.+

19 Wɔbɛfrɛ nnipa akɔ bepɔ so.

Ɛhɔ na wɔbɛbɔ tenenee afɔdeɛ.+

Na wɔbɛfe po mu agyapadeɛ bebree+

Ne anwea mu ademudeɛ a ahunta.”

20 Deɛ ɔka faa Gad ho nie:+

“Nhyira nka deɛ ɔbɛtrɛ Gad ahyeɛ mu.+

Ɔte hɔ sɛ gyata,+

Na ɔbɛtete basa ne apampam nso.+

21 Ɔbɛyi deɛ ɛyɛ afa,+

Ɛhɔ na mmarahyɛfoɔ kyɛfa wɔ.+

Na ɔman no mpanimfoɔ bɛhyia.

Ɔbɛda Yehowa tenenee adi,

Ne n’atemmusɛm wɔ Israel ho.”

22 Deɛ ɔka faa Dan ho nso nie:+

“Dan yɛ gyata ba.+

Ɔbɛhuri afiri Basan.”+

23 Deɛ ɔka faa Naftali ho nso nie:+

“Yehowa adom amee Naftali,

Na ne nhyira ayɛ no mã.

Fa atɔeɛ ne anafoɔ di so.”+

24 Deɛ ɔka faa Aser ho nso nie:+

“Wɔde mma bɛhyira Aser.+

Ma ne nuanom nnye no ntom,+

Na ɔmfa ne nan mmɔ ngo mu.+

25 Dadeɛ ne kɔbere yɛ wo pono akyi adaban,+

Na wo nkwa nna nyinaa yɛ nna a wode bɛyi akyẽa.

26 Obiara nni hɔ a ɔte sɛ Yesurun+ nokorɛ Nyankopɔn no,+

Ɔno na ɔnam soro boa woɔ+

Na ɔnam wiem mununkum mu n’animuonyam mu.+

27 Tete Nyankopɔn ne wo dwankɔbea,+

Ne basa wɔ w’ase daa.+

Ɔbɛpamo w’atamfo afiri w’anim,+

Na ɔbɛka sɛ, ‘Sɛe wɔn!’+

28 Israel bɛtena hɔ dwoodwoo,+

Yakob abura bɛtena hɔ komm+

Asase a ayuo ne nsã foforɔ abu soɔ so.+

Na bosuo bɛsosɔ afiri ne soro.+

29 Israel, ma w’ani nnye!+

Hwan na ɔte sɛ woɔ,+

Ɔman a anya Yehowa nkwagyeɛ?+

Ɔno ne wo kyɛm a ɔboa woɔ+

Ne wo nkrantɛ kɛseɛ.+

Enti w’atamfo ho bɛpopo w’anim+

Na wo deɛ, wobɛtiatia wɔn mmepɔ ne wɔn nkokoɔ so.”+