Dwom

49 Aman nyinaa, montie.

Mo a mowɔ wiase+ nyinaa, monyɛ aso,

 2 Adasamma ne nnipa mma nyinaa,

Adefoɔ ne ahiafoɔ nyinaa.+

 3 M’ano bɛka anyansasɛm,+

Na nteaseɛ na mɛdwene ho m’akoma mu.+

 4 Mɛyɛ aso ama akasabebuo;+

Na mede sankuten bɛkyerɛkyerɛ m’aborɔme mu.+

 5 Adɛn nti na ɛsɛ sɛ mesuro nna bɔne,+

Berɛ a wɔn a wɔpɛ sɛ mesɛeɛ atwa me ho ahyia no?+

 6 Wɔn a wɔde wɔn ho to wɔn ahonyadeɛ soɔ,+

Na wɔde wɔn ahonyadeɛ bebree hoahoa wɔn ho no,+

 7 Wɔn mu biara ntumi nnye onua,+

Na ɔrentumi mma Onyankopɔn mpatadeɛ mfa nnye no;

 8 (Wɔn kra gyeɛ boɔ yɛ den+

Enti wɔrentumi ntua da)

10 Ɔhunu sɛ anyansafoɔ mpo wuwu,+

Wɔne nkwaseafoɔ ne deɛ ɔnni adwene nyinaa sɛe,+

Na wɔgya wɔn ahonyadeɛ ma ebinom.+

11 Wɔn akoma mu no, wɔnyaeɛ a, anka wɔn afie wɔ hɔ daa,+

Na wɔn ntomadan nso wɔ hɔ awoɔ ntoatoasoɔ nyinaa mu.+

Wɔde wɔn din atoto wɔn nsase so.+

12 Nanso onipa dasani, sɛ ɔwɔ anidie mpo a, ɔrentena ase daa;+

Ɔte sɛ mmoa a wɔsɛe kwa.+

13 Ɛkwan a agyimfoɔ fa soɔ nie,+

Na saa na wɔn a wɔdi wɔn akyi ba a wɔpɛ wɔn anom asɛm no nso teɛ. Sela.

14 Wɔte sɛ nnwan a wɔayi wɔn ama Adamena;*+

Owuo na ɛbɛyɛn wɔn;+

Teefoɔ na wɔbɛdi wɔn so anɔpa,+

Na wɔn nipadua bɛsɛe;+

Adamena na ɛbɛyɛ wɔn mu biara tenabea, na ɛnyɛ bea a ɛkorɔn.+

15 Nanso me kra deɛ, Onyankopɔn bɛgye no Adamena nsam,+

Na ɔbɛgye me ampa. Sela.

16 Sɛ obi nya ne ho a, nsuro,+

Sɛ ne fie animuonyam redɔɔso a, nsuro.+

17 Na ɔwu a, ɔrentumi mfa hwee nkɔ;+

N’animuonyam renni n’akyi.+

18 Ɔte aseɛ no na ɔhyira ne kra daa;+

(Nnipa bɛyi wo ayɛ sɛ wodii yie nti)+

19 Ne kra bɛkɔ n’agyanom nkyɛn.+

Na wɔrenhunu hann bio.+

20 Onipa dasani, sɛ ɔwɔ anidie mpo na ɔnni nteaseɛ+ a,

Ɔte sɛ mmoa a wɔsɛe kwa.+