31 “Nsasini a ɔbɛhyɛ wɔ efɔd no ase no, fa ahoma bruu nko ara yɛ.+ 32 Twa ataadeɛ no mfimfini fa yɛ ne kɔn na ma obi a ɔnwene adeɛ nnwene ano nhyia. Yɛ ne kɔn no sɛ dadeɛ akotaadeɛ kɔn na ante amfa mu. 33 Fa ahoma bruu, ahoma afasebire, ne ahoma kɔkɔɔ nwene granate akutuo* sensɛn ano hyia. Afei yɛ sika kɔkɔɔ adɔmma hyehyɛ granate akutuo no ntam. 34 Enti granate akutuo biara akyi no, sika kɔkɔɔ adɔmma toa so; ma ɛnsesa so wɔ nsasini no ano nhyia. 35 Aaron bɛhyɛ ataadeɛ yi de asom. Sɛ ɔkɔ tenabea kronkron hɔ kɔgyina Yehowa anim a, wɔbɛte sɛ adɔmma no regyegye, na ɔpue nso a, wɔbɛte. Ma no nyɛ saa na wanwu.+