22 Afei nsasini a ɛwɔ efɔd no ase no, ɔmaa obi a ɔnwene adeɛ nweneeɛ; ɔde ahoma bruu nko ara na ɛyɛeɛ.+ 23 Wɔtwaa ataadeɛ no mfimfini de yɛɛ ne kɔn te sɛ dadeɛ akotaadeɛ kɔn, na wɔnwenee ano hyiaeɛ sɛdeɛ ɛbɛyɛ a ɛrente mfa mu. 24 Ɛno akyi no, wɔde ahoma bruu, ahoma afasebire, ne ahoma kɔkɔɔ nwenee granate akutuo* sensɛn nsasini no ano hyiaeɛ. 25 Afei wɔde sika kɔkɔɔ yɛɛ adɔmma hyehyɛɛ granate akutuo no ntam wɔ nsasini no ano hyiaeɛ; 26 enti granate akutuo biara akyi no, sika kɔkɔɔ adɔmma toa so; wɔde sesãã so wɔ nsasini a wɔde yɛ asɔfodwuma no ano hyiaeɛ, sɛdeɛ Yehowa ka kyerɛɛ Mose no.

7 Ɛno akyi no, ɔde ataade tenten no+ hyɛɛ no, na ɔde deɛ ɔde bɛbɔ ne mu+ no bɔɔ so, na ɔde nsasini+ no nso hyɛɛ no. Afei ɔde efɔd*+ no hyɛɛ no de abɔsoɔ*+ a wɔanwene no sɔɔ mu.