14 Afei Yehowa ka kyerɛɛ Mose sɛ: “Twerɛ wei wɔ nwoma no mu na ɛnkae mo, na si so dua kyerɛ Yosua sɛ, ‘Mɛpepa Amalekfoɔ, na wɔrenkae wɔn bio da wɔ ɔsoro ase.’”+

47 Saul maa n’ahennie tim wɔ Israel, na ɔne n’atamfo nyinaa koeɛ: Moabfoɔ+ ne Ammonfoɔ+ ne Edomfoɔ+ ne Soba+ ahemfo ne Filistifoɔ.+ Na baabiara a ɔkɔeɛ nso, ɔdii nkonim. 48 Ɔde akokoɔduro koeɛ, na ɔdii Amalekfoɔ+ so nkonim, na ɔgyee Israel firii nnipabɔnefoɔ a wɔfom nneɛma nsam.

15 Ɛnna Samuel ka kyerɛɛ Saul sɛ: “Yehowa somaa me maa mebɛsraa wo ngo de wo sii ne man Israel so hene,+ enti tie asɛm a Yehowa reka akyerɛ wo.+ 2 Deɛ asafo Yehowa aka nie: ‘Mɛtua Amalekfoɔ so ka, ɛfiri sɛ berɛ a Israel firi Egypt reba no, wɔsɔre tiaa wɔn wɔ kwan so.+ 3 Enti kɔ na kɔkunkum Amalekfoɔ+ na sɛe wɔne deɛ wɔwɔ nyinaa pasaa,+ mfa wɔn ho nkyɛ wɔn,* kunkum wɔn nyinaa,+ ɔbarima ne ɔbaa, abɔfra ne deɛ ɔtua nufoɔ ano, nantwie ne odwan, yoma ne afunumu.’”+

42 Simeonfoɔ no mu mmarima 500 firii wɔn mu kɔɔ Seir Bepɔ so;+ Pelatia, Nearia, Refaia, ne Usiel a wɔyɛ Yisi mma na wɔdii wɔn anim ne wɔn kɔeɛ. 43 Wɔkunkum Amalek+ adwanefoɔ no nkaeɛ, na wɔatena hɔ abɛsi nnɛ.