Berɛsosɛm Nwoma a Ɛdi Kan

4 Yuda mma ne Peres,+ Hesron,+ Karmi, Hur,+ ne Sobal.+ 2 Sobal ba Reaia woo Yahat, Yahat nso woo Ahumai ne Lahad. Weinom ne Soratifoɔ+ mmusua. 3 Etam+ agya* asefoɔ nie: Yesreel, Yisma, ne Yidbas (wɔn nuabaa din de Haselelponi); 4 Gedor agya ne Penuel, na Husa agya ne Eser. Weinom ne Efrata abakan Hur,+ Betlehem+ agya no mma. 5 Tekoa+ agya Asur+ waree yerenom mmienu, Hela ne Naara. 6 Ɔne Naara woo Ahusam, Hefer, Temeni, ne Ahastari. Weinom ne Naara mma. 7 Hela nso mma ne Seret, Yisar, ne Etan. 8 Kos mma ne Anub, Sobeba, ne Harum ba Aharhel mmusua.

9 Yabes nyaa animuonyam senee ne nuanom; na ne maame too no din Yabes,* na ɔkaa sɛ: “Ɛyea mu na mewoo no.” 10 Na Yabes su frɛɛ Israel Nyankopɔn sɛ: “O sɛ anka wobɛhyira me na woatrɛ me nsaase mu na woadi m’akyi,* na woamma bɔne biara amma me so ammɛha me ɛ!” Enti Onyankopɔn yɛɛ n’abisadeɛ no maa no.

11 Suha nua Kelub woo Eston agya Mehir. 12 Eston woo Bet-Rafa, Pasea, ne Ir-Nahas agya Tehina. Weinom ne Reka mmarima. 13 Kenas mma ne Otniel+ ne Seraia, na Otniel ba* ne Hatat. 14 Meonotai woo Ofra. Seraia woo Yoab a ɔyɛ Ge-Harasim* agya; ná wɔyɛ adwumfoɔ nti na wɔnyaa saa din no.

15 Yefune ba Kaleb+ mma ne Iru, Ela, ne Naam; Ela nso ba* ne Kenas. 16 Yehalelel mma ne Sif, Sifa, Tiria, ne Asarel. 17 Esrah mma ne Yeter, Mered, Efer, ne Yalon; ne yere* nyinsɛn woo Miriam, Samai, ne Estemoa agya Isbah. 18 (Na ne yere Yudani no woo Gedor agya Yered, Soko agya Heber, ne Sanoa agya Yekutiel.) Weinom ne Farao babaa Bitia a Mered waree no no mma.

19 Hodia yere a ɔyɛ Naham nuabaa no mma ne Garmitfoɔ Keila agya, ne Estemoa a ɔfiri Maakat. 20 Simon mma ne Amnon, Rina, Ben-Hanan, ne Tilon. Na Yisi mma ne Sohet ne Ben-Sohet.

21 Yuda ba Sela+ asefoɔ nie: Leka agya Er, Maresa agya Laada, ne Asbea fie mmusua a wɔnwene ntoma pa no. 22 Ebinom nso ne Yokim, Koseba mmarima, Yoas, ne Saraf a wɔwarewaree Moabfoɔ mmaa, ne Yasubi-Lehem. Weinom nyinaa yɛ tete twerɛtohɔ. 23 Ná wɔyɛ nkukunwemfoɔ a wɔte Netaim ne Gedera. Ɛhɔ na wɔtenaeɛ, na wɔyɛɛ adwuma maa ɔhene.

24 Simeon+ mma ne Nemuel, Yamin, Yarib, Sera, ne Saul.+ 25 Saul ba ne Salum, na ɔno nso ba ne Mibsam, na ɔno nso ba ne Misma. 26 Misma mma no bi ne Hamuel; Hamuel ba ne Sakur, na ɔno nso ba ne Simei. 27 Simei woo mma mmarima 16 ne mma mmaa 6; na ne nuanom anwo mma mmarima bebree, na mmusua no mu biara nni hɔ a na wɔwɔ mma mmarima bebree sɛ Yuda.+ 28 Wɔtenaa Beer-Seba,+ Molada,+ Hasar-Sual,+ 29 Bilha, Esem,+ Tolad, 30 Betuel,+ Horma,+ Siklag,+ 31 Bet-Makabot, Hasar-Susim,+ Bet-Biri, ne Saaraim. Weinom ne wɔn nkuro kɔsi berɛ a Dawid bɛdii adeɛ.

32 Mmeaeɛ a wɔtenatenaeɛ nso ne Etam, Ain, Rimon, Token, ne Asan,+ nkuro nnum 33 ne ɛho nkuraa; ɛkɔeɛ ara kɔduruu Baal. Weinom ne wɔn mmusua din ne wɔn atenaeɛ. 34 Mesobab, Yamlek, Amasia ba Yosa, 35 Yoel, ne Yehu a ɔyɛ Yosibia ba, Seraia ba, Asiel ba; 36 ne Elioenai, Yaakoba, Yesohaia, Asaia, Adiel, Yesimiel, Benaia; 37 ne Sisa a ɔyɛ Sifi ba, Alon ba, Yedaia ba, Simri ba, Semaia ba. 38 Weinom a wɔabobɔ wɔn din yi yɛ wɔn abusua mpanimfoɔ, na wɔn agyanom fiefoɔ ase trɛɛ pii. 39 Na wɔde wɔn ani kyerɛɛ Gedor kurotia kɔduruu apueeɛ bɔn no mu sɛ wɔrekɔhwehwɛ adidibea ama wɔn nnwan. 40 Wɔkɔnyaa adidibea pa a ɛhɔ yɛ frɔmfrɔm; ná asaase no so, na ɛso dwo fɔmm. Wɔn a wɔtenaa hɔ kane no, na wɔyɛ Ham+ asefoɔ. 41 Yuda hene Hesekia+ nna no mu na weinom a wɔatwerɛtwerɛ wɔn din no bɛsɛee Hamfoɔ ne Meunimfoɔ a na wɔtete hɔ no ntomadan. Wɔsɛee wɔn pasaa a wɔn mu biara anka bɛsi nnɛ, na wɔtenatenaa wɔn nkuro no mu, ɛfiri sɛ wɔnyaa adidibea wɔ hɔ maa wɔn nnwan.

42 Simeonfoɔ no mu mmarima 500 firii wɔn mu kɔɔ Seir Bepɔ so;+ Pelatia, Nearia, Refaia, ne Usiel a wɔyɛ Yisi mma na wɔdii wɔn anim ne wɔn kɔeɛ. 43 Wɔkunkum Amalek+ adwanefoɔ no nkaeɛ, na wɔatena hɔ abɛsi nnɛ.