10 Ahempoma remfiri Yuda nsa,+ na tumi poma remfiri ne nan ntam, kɔsi sɛ Silo* bɛba;+ ɔno na aman bɛtie no.+

24 Na Saul ka kyerɛɛ Samuel sɛ: “Mayɛ bɔne, na mabu Yehowa ahyɛdeɛ ne w’asɛm so, ɛfiri sɛ mesuroo nkurɔfoɔ no, na metiee wɔn asɛm.

28 Ɛnna Samuel ka kyerɛɛ no sɛ: “Yehowa asuane Israel ahennie no afiri wo nsam nnɛ, na wo yɔnko a ɔyɛ sene wo na ɔde bɛma no.+

13 Enti Samuel faa abɛn a ngo wom no,+ na ɔsraa no wɔ ne nuanom mu. Na ɛfiri saa da no rekɔ no, Yehowa honhom baa Dawid so.+ Akyire yi, Samuel sɔre siim kɔɔ Rama.+

4 Dawid bɛdii hene no, na wadi mfeɛ 30, na ɔdii adeɛ mfeɛ 40.+ 5 Ɔdii Yuda so hene mfeɛ 7 ne abosome 6 wɔ Hebron, na ɔdii Yuda ne Israel nyinaa so hene mfeɛ 33 wɔ Yerusalem.+

3 Enti Israel mpanimfoɔ nyinaa baa ɔhene nkyɛn wɔ Hebron, na Dawid ne wɔn yɛɛ apam Yehowa anim wɔ Hebron. Ɛnna wɔsraa Dawid de no sii Israel so hene+ sɛdeɛ Yehowa nam Samuel so kaeɛ no.+