11 Ɛnna Mose bisaa Yehowa sɛ: “Adɛn nti na wo ne w’akoa adi no nwonwoonwono saa? Na deɛn na mayɛ a ɛnsɔ w’ani a enti wode nnipa yi nyinaa adesoa ato me so yi?+

15 Sɛ saa na wobɛyɛ me a, ɛnneɛ mepa wo kyɛw, ku me seesei ara.+ Sɛ manya w’anim adom a, mma m’ani nnhunu amanehunu biara bio.”

3 Ɛmaa ehu kaa no, enti ɔdwane peree ne nkwa.*+ Ɔkɔpuee Beer-Seba+ a ɛwɔ Yuda asaase so,+ na ɔgyaa ne somfoɔ no wɔ hɔ. 4 Ɔde n’ani kyerɛɛ serɛ so twaa da koro kwan, na ɔkɔtenaa sisia dua bi ase. Afei ɔsrɛɛ sɛ ɔnwu.* Asɛm a ɔkaeɛ ne sɛ: “Afei deɛ, mabrɛ! O Yehowa, gye me nkwa* firi me nsam,+ na mensene m’agyanom.”

16 Me nkwa afono me;+ mempɛ sɛ mekɔ so tena ase bio.

Gyaa me, na me nna te sɛ hwenem mframa.+

2 Enti ɔbɔɔ Yehowa mpaeɛ sɛ: “Ao, Yehowa, ɛnyɛ asɛm a mewɔ m’asaase so no mekaeɛ no ara na ɛda hɔ yi? Ɛno nti na medwanee sɛ merekɔ Tarsis no,+ ɛfiri sɛ menim sɛ woyɛ Onyankopɔn a wowɔ ayamhyehyeɛ* ne mmɔborɔhunu, wo bo mfu ntɛm, wo dɔ a ɛnni hwammɔ nni ano,+ na ɛha wo sɛ wobɛma amanehunu aba. 3 Afei Yehowa, mesrɛ wo, gye me nkwa* firi me nsam, na ɛyɛ sɛ mɛwu sene sɛ mɛtena ase.”+