Hiob

7 “Onipa dasani asetena wɔ asaase so yɛ nkoasom,

Na ne nna te sɛ ɔpaani nna, ɛnte saa?+

 2 Ɔte sɛ akoa; ɔnyae a anka enwunu aba.

Ɔte sɛ ɔpaani; ɔhwɛ n’akatua kwan dendeenden.+

 3 Saa ara na me nso, abosome hunu na wɔde ama me,

Anadwo a ɔhaw ahyɛ no ma na wɔde ama me.+

 5 Me honam nyinaa adɔre mmoaa, na dɔteɛ ntoatoa ayɛ me ho nyinaa;+

Kurodoso ayɛ me honam nyinaa,* na ɛrefiri nsuo.+

 6 Me nna kɔ ntɛmntɛm sene sɛdeɛ ntomanwenefoɔ nsa di akɔneaba no;*+

Ɛba awieeɛ, na menni anidasoɔ biara.+

 7 Kae sɛ me nkwa yɛ mframa,+

Na kae sɛ m’ani rennye bio da.*

 8 Ani a ɛhu me nnɛ yi, ɛrenhu me bio;

W’ani bɛhwehwɛ me, nanso na mekɔ.+

 9 Sɛdeɛ mununkum hwete na ɛyera no,

Saa ara na deɛ ɔsiane kɔ Adamena* mu no rensan mfiri hɔ mma bio.+

10 Ɔrensan mma ne fie bio,

Na ne tenabea renhu no bio.+

M’ahoyera mu na mɛkasa;

M’amanehunu mu* na mɛka m’asɛm!+

12 Adɛn, meyɛ ɛpo anaa ɛpo mu aboa kɛseɛ

Na woagye me ho ban?

13 Sɛ meka sɛ, ‘Me mpa bɛkyekye me werɛ;

Me kɛtɛ bɛte m’awerɛhoɔ so’ a,

14 Ɛno koraa na woma meso daeɛ huhuuhu,

Na wode anisoadehunu hunahuna me.

15 Enti menyae* a, anka matua ahome,

Aane, mepɛ owuo mmom sene me nipadua* yi.+

17 Onipa dasani ne hwan a wodwene ne ho

Na wode w’ani* di n’akyi?+

18 Adɛn nti na wode w’ani si ne so anɔpa biara

Na wosɔ no hwɛ berɛ nyinaa?+

19 Adɛn nti na wonyi w’ani mfiri me so

Na wonnyaa me mma memmene ntasuo mpo?+

21 Adɛn nti na womfa me bɔne nkyɛ me

Na wommu w’ani ngu me mfomsoɔ so?

Ɛfiri sɛ ɛrenkyɛ na makɔda wɔ dɔteɛ mu;+

Wobɛhwehwɛ me, nanso na mekɔ.”