Hiob

 3 Wohwɛ a, Onyankopɔn bɛkyea atemmuo?

Na adeɛ nyinaa so Tumfoɔ no bɛkyea atɛntenenee anaa?

 4 Sɛ wo mma no yɛɛ no bɔne a,

Wɔn atuateɛ ho asotwe na ɔde ama wɔn no.*

 5 Sɛ wode w’ani to Onyankopɔn so,+

Na wosrɛ adeɛ nyinaa so Tumfoɔ no sɛ ɔnhu wo mmɔbɔ,

 6 Sɛ ɛyɛ ampa ara sɛ woyɛ obi a wo ho teɛ na wotene a,+

Anka watwa n’ani abɛhwɛ wo,*

Na wama woasan asi wo dada mu.

 7 Anka w’awieeɛ bɛyɛ kɛseɛ,+

Ɛwom sɛ wode ketewa na ɛfirii aseɛ.

 8 Mepa wo kyɛw, bisa awoɔ ntoatoasoɔ a abɛsene kɔ no,

Na ma nneɛma a wɔn papanom hwehwɛ hunuiɛ no ho nhia wo.+

 9 Yɛn deɛ, ɛnnora yi ara na wɔwoo yɛn, na yɛnnim hwee,

Ɛfiri sɛ yɛn nna wɔ asaase yi so te sɛ sunsum.

10 Ɛnyɛ wɔn na wɔbɛkyerɛkyerɛ wo

Na wɔaka deɛ wɔnim akyerɛ wo anaa?*

12 Berɛ a ɛnnya nguu nhyerɛnee na wɔnnya ntwaeɛ no,

Ɛdi kan hye* ansa na nwura a aka nyinaa ahye.

13 Saa na ɛbɛwie wɔn a wɔn werɛ afi Onyankopɔn no nyinaa,*

Ɛfiri sɛ abɔnefoɔ* anidasoɔ bɛyera,

14 Wɔde wɔn ho to adehunu so,

Na adeɛ a wɔde wɔn werɛ hyɛ mu no, ɛyɛ mmerɛ te sɛ ananse ntentan.*

15 Ɔbɛtwere ne dan, nanso ɛrennyina;

Ɔbɛsɔ mu dendeenden, nanso ɛrennyina.

16 Ɔte sɛ dua a nsuo wom a ɛnya awia,

A ne nkorabata atrɛtrɛ wɔ turo mu.+

17 Ne nhini wurawura aboɔ a ɛsum hɔ mu,

Ɔhwehwɛ dan wɔ aboɔ no mu.*

18 Nanso sɛ wɔtu no firi baabi a ɛsi a,

Baabi a na ɛsi no bɛka sɛ ɛnnim no, na aka akyerɛ no sɛ, ‘Menhuu wo da.’+

19 Aane, saa kwan no na ɔbɛfa so ayera;*+

Na afei ebinom bɛfifi afiri mfuturo mu aba.

20 Wɔn a wɔn abrabɔ di mu* no, ɛnyɛ adeɛ a Onyankopɔn bɛpo wɔn da,

Na abɔnefoɔ nso, ɔremmoa wɔn da,*

21 Ɔde sereɛ bɛhyɛ w’anom ma,

Na wama wode w’ano abɔ ose.

22 W’atamfo bɛfira animguaseɛ sɛ ntoma,

Na abɔnefoɔ ntomadan bɛfiri hɔ.”