• Dwom 53:atifi asɛm-6
    Twerɛ Kronkron—Wiase Foforɔ Nkyerɛaseɛ

    • Wɔde ma dwom kyerɛfoɔ; wɔto no Mahalat* kwan so. Maskil.* Dawid dwom.

      53 Onipa a ɔnni adwene* ka no n’akomam sɛ:

      “Yehowa biara nni hɔ.”+

      Wɔn nneyɛɛ a ɛntene no nyɛ koraa, na wɔyɛ akyiwadeɛ.

      Wɔn mu biara nni hɔ a ɔyɛ adepa.+

       2 Onyankopɔn deɛ, ɔfiri soro hwɛ nnipa mma;+

      Ɔrehwɛ sɛ ɔbɛhu obi a ɔwɔ nhunumu anaa obi a ɔhwehwɛ Yehowa.+

       3 Wɔn nyinaa afom kwan;

      Wɔn nyinaa aporɔ.

      Obiara nni hɔ a ɔyɛ adepa,

      Baako mpo nni hɔ.+

       4 Nnebɔneyɛfoɔ no mu biara nni hɔ a ɔwɔ nteaseɛ anaa?

      Wɔmemene me man sɛdeɛ wɔanya paanoo redie.

      Wɔmmɔ Yehowa mpaeɛ.+

       5 Ehu kɛseɛ bɛka wɔn,

      Ehu a ebi nkaa wɔn da,*

      Ɛfiri sɛ wɔn a wɔto hyɛ wo so no,* Onyankopɔn bɛbɔ wɔn nnompe apete.

      Wobɛma wɔn ani awu, ɛfiri sɛ Yehowa apo wɔn.

       6 Sɛ Israel nkwagyeɛ bɛfiri Sion aba,+

      Na sɛ Yehowa bɛsan aboaboa ne nkurɔfoɔ a wɔakɔdi obi man so no ano aba a,

      Ɛnneɛ ma Yakob ani nnye na Israel nni ahurisie.