29 Ɛnna Onyankopɔn kaa sɛ: “Mede afifideɛ a ɛso aba wɔ asaase so nyinaa ne nnua a ɛso aba nyinaa ama mo. Ɛnyɛ aduane mma mo.+

3 Mmoa a wɔte ase nyinaa, mede ama mo sɛ monni.+ Mede ne nyinaa ama mo sɛdeɛ mede nhaban mono maa mo no.+

25 “Wei nti mereka akyerɛ mo sɛ: Monnyae sɛ modwendwene+ mo nkwa* ho sɛ deɛn na mobɛdie anaa deɛn na mobɛnom, anaa mo nipadua ho sɛ ɛdeɛn na mobɛhyɛ.+ Nkwa* nhia nsene aduane? Na nipadua no nsen ataadeɛ anaa?+

30 Sɛ Onyankopɔn hyɛ wuram afifideɛ a ɛwɔ hɔ nnɛ na ɔkyena wɔde agu gya mu no ataadeɛ a, ɔrenhyɛ mo ataadeɛ mmoro so anaa, mo a mo gyidie sua?

16 “Na Onyankopɔn dɔ wiase paa. Ɛno nti, ɔde ne Ba a ɔwoo no koro+ no mae, na obiara a ɔgye no di no ansɛe,* na mmom wanya daa nkwa.+

17 Nanso ɔkɔɔ so dii ne ho adanseɛ,*+ ɛfiri sɛ ɔyɛɛ nneɛma papa. Ɛne sɛ, ɔmaa nsuo tɔ firii soro maa mo, ɔmaa mo mmerɛ a aduane ba,+ ɔmaa mo aduane di meeɛ, na ɔde anigyeɛ hyɛɛ mo akoma ma.”+

6 Na mmom ɔdanseni bi kaa wɔ baabi sɛ: “Onipa ne hwan a wokae no, na onipa ba ne hwan a wodwene ne ho?+ 7 Womaa no baa fam kakra senee abɔfoɔ; wode animuonyam ne anidie bɔɔ no abotire, na woyii no de wo nsa ano adwuma hyɛɛ ne nsa. 8 Wode nneɛma nyinaa guu ne nan ase.”+ Berɛ a Onyankopɔn de nneɛma nyinaa hyɛɛ n’ase+ no, wannya biribiara a wamfa anhyɛ n’ase.+ Nanso seesei deɛ, yɛnnya nhunuu sɛ nneɛma nyinaa hyɛ n’ase.+