• Yesaia 2:2, 3
    Twerɛ Kronkron—Wiase Foforɔ Nkyerɛaseɛ

    •  2 Awieeɛ nna* no mu no,

      Yehowa fie bepɔ

      Bɛtim wɔ mmepɔ atifi,+

      Na wɔbɛma so asene nkokoɔ,

      Na aman nyinaa bɛsene yuu akɔ hɔ.+

       3 Na aman pii bɛkɔ akɔka sɛ:

      “Mommra mma yɛmforo nkɔ Yehowa bepɔ so,

      Nkɔ Yakob Nyankopɔn fie.+

      Ɔbɛkyerɛ yɛn n’akwan,

      Na yɛbɛnante n’akwan* so.”+

      Na Sion na mmara* bɛfire,

      Na Yerusalem na Yehowa asɛm bɛfire.+

  • Yesaia 56:6, 7
    Twerɛ Kronkron—Wiase Foforɔ Nkyerɛaseɛ

    •  6 Na ahɔhoɔ a wɔaba Yehowa nkyɛn sɛ wɔrebɛsom no

      Na wɔadɔ Yehowa din,+

      Na wɔayɛ n’asomfoɔ,

      Wɔn a wɔdi Homeda a wɔngu ho fĩ

      Na wɔkura m’apam mu dendeenden nyinaa no,

       7 Me nso mede wɔn

      bɛba me bepɔ kronkron no so+

      Na mama wɔadi ahurisie wɔ me mpaebɔ fie.

      Wɔn hyeɛ afɔreɛ ne wɔn afɔreɛ ahodoɔ nyinaa, wɔbɛgye no wɔ m’afɔrebukyia so.

      Na wɔbɛfrɛ me fie mpaebɔ fie ama aman nyinaa.”+

  • Mika 4:1, 2
    Twerɛ Kronkron—Wiase Foforɔ Nkyerɛaseɛ

    • 4 Awieeɛ nna* no mu no,

      Yehowa fie bepɔ+

      Bɛtim wɔ mmepɔ atifi,

      Na wɔbɛma so asene nkokoɔ,

      Na amanaman bɛsene yuu akɔ hɔ.+

       2 Na aman pii bɛkɔ akɔka sɛ:

      “Mommra mma yɛmforo nkɔ Yehowa bepɔ so,

      Nkɔ Yakob Nyankopɔn fie.+

      Ɔbɛkyerɛ yɛn n’akwan,

      Na yɛbɛnante n’akwan so.”

      Na Sion na mmara* bɛfire,

      Na Yerusalem na Yehowa asɛm bɛfire.

  • Sakaria 8:22, 23
    Twerɛ Kronkron—Wiase Foforɔ Nkyerɛaseɛ

    • 22 Na aman pii ne aman akɛseɛ bɛba abɛhwehwɛ asafo Yehowa akyiri akwan wɔ Yerusalem,+ na wɔbɛkoto asrɛ Yehowa sɛ ɔnhu wɔn mmɔbɔ.’

      23 “Deɛ asafo Yehowa aka nie, ‘Saa berɛ no, nnipa du a wɔka amanaman no kasa hodoɔ nyinaa+ bɛsosɔ Yudani* baako ataadeɛ* mu, aane, wɔbɛsosɔ mu dendeenden aka sɛ: “Yɛpɛ sɛ yɛne mo kɔ,+ ɛfiri sɛ yɛate sɛ Onyankopɔn ka mo ho.”’”+