8 Mɛdwira wɔn ho afiri wɔn mfomsoɔ ne wɔn bɔne a wɔayɛ atia me no nyinaa ho,+ na mede wɔn mfomsoɔ ne wɔn bɔne a wɔayɛ atia me, ne wɔn mmarato a ɛtia me nyinaa bɛkyɛ wɔn.+

27 Afei ɔfaa kuruwa, na berɛ a ɔdaa ase no, ɔde maa wɔn kaa sɛ: “Mo nyinaa monnom ano,+ 28 na wei gyina hɔ ma me ‘mogya+ a wɔde yɛ apam+ no,’ deɛ wɔbɛhwie agu ama nnipa bebree+ anya bɔnefakyɛ+ no.

10 “‘Na wei ne apam a me ne Israel fie bɛyɛ wɔ saa nna no akyi,’ Yehowa* asɛm nie. ‘Mede me mmara bɛhyɛ wɔn adwenem, na mɛtwerɛ wɔ wɔn akomam.+ Na mɛyɛ wɔn Nyankopɔn, na wɔn nso ayɛ me man.+

11 “‘Na obiara renkyerɛ ne man muni ne ne nua bio sɛ: “Monhunu Yehowa!”* Ɛfiri sɛ wɔn nyinaa bɛhu me, ɛfiri kumaa so kɔsi ɔkɛseɛ so. 12 Na mɛhu wɔn mmɔbɔ wɔ wɔn nneyɛɛ bɔne ho, na merenkae wɔn bɔne bio.’”+

15 Ɛno nti na ɔyɛ ntamgyinafoɔ ma apam foforɔ+ no, sɛdeɛ ɛbɛyɛ a wɔn a wɔafrɛ wɔn no bɛnya daa agyapadeɛ ho bɔhyɛ no.+ Wu a ɔwuiɛ no na ɛmaa weinom nyinaa yɛɛ yie, na ɛnam so na wɔnyaa agyedeɛ+ de yii wɔn firii kane apam no mmarato ase.

17 Na ɛno akyi no, ɛka sɛ: “Na merenkae wɔn bɔne ne wɔn mmarato bio.”+