ASƐMMISA 6
Nkɔm bɛn na Bible hyɛ faa Mesia no ho?
NKƆMHYƐ
“Wo, Betlehem Efrata, . . . wo mu na obi bɛfiri abɛyɛ Israel hene ama me.”
SƐDEƐ ƐBAA MU
“Berɛ a wɔwoo Yesu wɔ Betlehem a ɛwɔ Yudea, Ɔhene Herode nna no mu no, hwɛ! nsoromma mu ahwɛfoɔ bi firi Apueeɛ fam baa Yerusalem.”
NKƆMHYƐ
“Wɔkyekyɛ me ntaadeɛ mu fa, na wɔbɔ m’ataadeɛ so ntonto.”
SƐDEƐ ƐBAA MU
“Berɛ a asraafoɔ no bɔɔ Yesu asɛndua mu no, wɔfaa n’ataadeɛ ngugusoɔ kyɛɛ mu nnan . . . Nanso na n’ataadeɛ a ɛwɔ aseɛ no nni mpameeɛ; na wɔanwene firi soro abɛsi fam. Enti wɔkeka kyerɛɛ wɔn ho sɛ: ‘Mommma yɛnntete mu, mmom momma yɛmmɔ so ntonto nhwɛ deɛ ɛbɛyɛ ne dea.’”
NKƆMHYƐ
“Ɔhwɛ ne nnompe nyinaa so; emu baako mpo mmu.”
SƐDEƐ ƐBAA MU
“Berɛ a wɔduruu Yesu nkyɛn no, wɔhuu sɛ wawu dada, enti wɔammubu ne nan mu.”
NKƆMHYƐ
“Yɛn mmarato nti na wɔde adeɛ wɔɔ no.”
SƐDEƐ ƐBAA MU
“Asraafoɔ no mu baako de pea wɔɔ ne mfe, na ɛhɔ ara na mogya ne nsuo baeɛ.”
NKƆMHYƐ
“Wɔde m’akatua maa me; wɔmaa me nnwetɛbena 30.”
SƐDEƐ ƐBAA MU
“Ɛnna Dumienu no mu baako, deɛ wɔfrɛ no Yuda Iskariot no, kɔɔ asɔfoɔ mpanimfoɔ no nkyɛn. Ɔbisaa wɔn sɛ: ‘Deɛn na mode bɛma me na mayi no ama mo?’ Na wɔkaa sɛ wɔbɛma no nnwetɛbena 30.”