Hiob

 2 “Sɛ́ Onyankopɔn a ɔne me anni no yie no te ase yi,+

Na adeɛ nyinaa so Tumfoɔ a ɔne me* adi no nwonwoonwono no te ase yi,+

 3 Berɛ a me home da so wɔ me mu,

Na honhom a ɛfiri Onyankopɔn hɔ wɔ me hwenem yi,+

 4 Meremfa m’ano nka amumuyɛsɛm,

Na meremfa me kɛtrɛma nka nnaadaasɛm!

 6 Mɛkura me trenee mu dendeenden, na merennyaa mu da;+

M’akoma remmu me fɔ* me nkwa nna nyinaa.*

 7 Ma me tamfo nyɛ sɛ ɔbɔnefoɔ,

Na ma wɔn a wɔsɔre tia me no nyɛ sɛ amumuyɛfoɔ.

 8 Sɛ Onyankopɔn sɛe ɔbɔnefoɔ* a, anidasoɔ bɛn na ɔwɔ,+

Sɛ ɔgye ne nkwa* firi ne nsam a, anidasoɔ bɛn na ɛwɔ hɔ ma no?

 9 Sɛ amanehunu ba ne so a,+

Onyankopɔn bɛtie ne sufrɛ anaa?

11 Mɛkyerɛkyerɛ mo Onyankopɔn tumi* ho adeɛ;

Meremfa adeɛ nyinaa so Tumfoɔ no ho biribiara nsie.

12 Hwɛ! Sɛ mo nyinaa moanya anisoadehunu a,

Adɛn nti na aba biara nni mo nsɛm mu yi?

13 Wei na ɔbɔnefoɔ bɛnya afiri Onyankopɔn hɔ,+

Na wei ne agyapadeɛ a atirimuɔdenfoɔ bɛnya afiri adeɛ nyinaa so Tumfoɔ no hɔ.

14 Sɛ ne mma dɔɔso mpo a, sekan na ɛbɛkunkum wɔn,+

Na n’asefoɔ rennya aduane a ɛbɛso wɔn.

15 Ne ho nnipa a ɛbɛka no, owuyareɛ na ɛbɛkunkum wɔn,

Na wɔn akunafoɔ rensu wɔn.

16 Sɛ ɔboaboa dwetɛ ano sɛ mfuturo,

Na ɔboaboa ntaade pa pii ano sɛ dɔteɛ de sie mpo a,

17 Boa deɛ, ɔbɛboaboa ano,

Nanso ɔteneneeni na ɔbɛhyɛ,+

Na nnipa a wɔn ho nni asɛm bɛkyɛ ne dwetɛ no afa.

18 Ne fie a wasi nni ahoɔden, na ɛyɛ mmerɛ te sɛ abubummabaa dan;

Ɛte sɛ apata+ a ɔwɛmfoɔ abɔ.

19 Sɛ ɔrekɔda a ɔyɛ sikani, nanso ɔremmoaboa hwee ano;

Ɔbɛbue n’ani no, na hwee nni hɔ.

20 Nneɛma a ɛyɛ hu bɛfa no sɛ nsuo;

Ahum bɛhwim no akɔ anadwo.+

21 Apueeɛ mframa bɛsoa no akɔ, na ɔbɛfiri hɔ;

Ɛbɛpra no afiri baabi a ɔteɛ.+

22 Ɔbɛyɛ sɛ ɔde ahometeɛ redwane afiri n’ahoɔden ano,+

Nanso ɛbɛbu aba ne so, na ɛrenhu no mmɔbɔ;+

23 Ɛbɛbɔ ne nsam agu ne so,

Na ɛbɛfiri baabi a ɛwɔ no abɔ hwerɛma+ agu ne so.*