Yoel

 2 “Mpanimfoɔ, montie,

Na asaase sofoɔ nyinaa, monyɛ aso.

Saa adeɛ yi, ebi asi wɔ mo berɛ so

Anaa mo agyanom berɛ so pɛn?+

 3 Monka ho asɛm nkyerɛ mo mma,

Na mo mma nka nkyerɛ wɔn mma,

Na wɔn mma nso nka nkyerɛ awoɔ ntoatoasoɔ a ɛdi hɔ.

 4 Deɛ ntutummɛ a wɔsɛe nneɛma di maa no kaeɛ no, ntutummɛ a wɔtu yuu adi;+

Deɛ ntutummɛ a wɔtu yuu di maa no kaeɛ no, ntutummɛ a wɔnni ntaban adi;

Deɛ ntutummɛ a wɔnni ntaban di maa no kaeɛ no, ntutummɛ a wɔdidi fuu adi.+

Asanomfoɔ nyinaa, montwa adwo,

Ɛfiri sɛ monni nsã* dɔkɔdɔkɔ bio.+

 7 Wɔasɛe me bobe na wɔama me borɔdɔma ayɛ dunsini,

Wɔapempan ho ama no ayɛ kwabokwabo, na wɔato agu

Ama ne mman ho ayɛ fitafita.

 8 Twa adwo sɛdeɛ ɔbaabunu* fira awerɛhoɔ ntoma*

Twa adwo wɔ ne mmabaaberɛ mu kunu ho.

 9 Aduane afɔreɛ+ ne nsã afɔreɛ+ a wɔde ba Yehowa fie no, afei deɛ wɔagyae;

Yehowa asomfoɔ a wɔyɛ asɔfoɔ no resu.

10 Afuo mu nneɛma asɛe, asaase no redi awerɛhoɔ,+

Ɛfiri sɛ hwiit* asɛe, bobesa foforɔ awe, na ngo ase atu.+

11 Hwiit ne baali* nti, akuafoɔ aboto,

Na bobefuo* mu adwumayɛfoɔ twa adwo,

Ɛfiri sɛ afuo mu nnɔbaeɛ asɛe.

12 Bobe akyenkyene,

Na borɔdɔma nso akusa.

Granate akutuo* ne abɛ ne aprɛ dua

Ne wuram nnua nyinaa awuwu;+

Ahurisie adane aniwuo wɔ nnipa mu.

13 Asɔfoɔ, momfira awerɛhoɔ ntoma* na monni awerɛhoɔ;*

Afɔrebukyia asomfoɔ, montwa adwo.+

Me Nyankopɔn asomfoɔ, momfira awerɛhoɔ ntoma* anadwo mũ nyinaa,

Ɛfiri sɛ obiara nni hɔ a ɔde aduane afɔreɛ+ ne nsã afɔreɛ+ ba mo Nyankopɔn fie bio.

Mommoaboa mpanimfoɔ no ne asaase no sofoɔ nyinaa ano

Mmra Yehowa mo Nyankopɔn fie,+ na monsu mfrɛ Yehowa na ɔmmoa mo.

Yehowa da no abɛn,+

Na ɛbɛba sɛ ɔsɛeɛ a ɛfiri adeɛ nyinaa so Tumfoɔ no nkyɛn!

16 Aduane nyera mfirii yɛn anim anaa?

Na anigyeɛ ne ahurisie nso mfirii yɛn Nyankopɔn fie?

19 O Yehowa, wo na mɛsu afrɛ wo,+

Ɛfiri sɛ egya ahye serɛ so adidibea,

Na gyaframa ahye wuram nnua nyinaa.

20 Wuram mmoa mpo ani agyina wo,

Ɛfiri sɛ nsubɔn no mu nsuo awewe,

Na egya ahye serɛ so adidibea.”