12 Yuda hene Yehoiakin fii adi kɔɔ Babilon hene nkyɛn,+ ɔne ne maame, n’asomfo, n’adehye, ne n’ahemfi mpanyimfo,+ na Babilon hene ahenni afe a ɛto so awotwe mu no, Babilon hene no kyeree no de no kɔe.+

15 Enti ɔde Yehoiakin+ kɔɔ Babilon,+ na ɔhene maame, ɔhene yerenom, ne n’ahemfi mpanyimfo ne asaase no so atitiriw nso, ɔde wɔn nyinaa fii Yerusalem kɔɔ Babilon.

9 Yehoiakin+ bedii hene no, na wadi mfe 18, na odii ade abosome abiɛsa ne dadu wɔ Yerusalem. Ɔyɛɛ Yehowa ani so bɔne.+ 10 Afe no mfiase* no, Ɔhene Nebukadnesar soma ma wɔkɔfaa no baa Babilon,+ na wɔde Yehowa fi nneɛma a ɛsom bo kaa ho bae.+ Na ɔde ne papa nua Sedekia sii Yuda ne Yerusalem so hene.+

24 Ɛnna Yehowa de nkɛntɛn abien a borɔdɔma wom a ɛwɔ Yehowa asɔrefi no anim kyerɛɛ me. Saa bere no, na Babilon hene Nebukadnesar* asoa Yehoiakim ba+ Yekonia,*+ Yuda hene no ne Yuda mpanyimfo ne adwumfo ne atomfo* nyinaa kɔ. Ɔde wɔn fii Yerusalem kɔɔ Babilon.+

29 Odiyifo Yeremia krataa no mu nsɛm ni. Ɔsoma ma wɔde fii Yerusalem kɔmaa wɔn a wotuu wɔn ase kɔe no mpanyimfo a aka, ne asɔfo, ne adiyifo, ne ɔmanfo a na Nebukadnesar atu wɔn afi Yerusalem kɔ Babilon no nyinaa. 2 Ɔde krataa no kɔe bere a Ɔhene Yekonia,+ ne ɔhemmaa,*+ ne ahemfi mpanyimfo, ne Yuda ne Yerusalem mpanyimfo, ne adwumfo ne atomfo* no fi Yerusalem kɔe no.+