Mmebusɛm
23 Sɛ wotena ase sɛ wo ne ɔhene rebedidi a,
Susuw nea esi w’anim no ho yiye;
2 Sɛ woyɛ obi a wopɛ aduan paa* a,
Ɛnde fa sekan to wo mene mu.*
4 Mmiri wo mogya ani mpɛ ahonyade.+
Gyae, na da ntease adi.*
5 Sɛ woto w’ani hwɛ ahonyade no a, worenhu,+
Efisɛ sɛnea ɛte biara, ebefuw ntaban te sɛ ɔkɔre na atu akɔ wim.+
Ɔbɛka akyerɛ wo sɛ: “Didi na nom,” nanso ɛnyɛ ne yam a.*
8 Nea woadi no, wobɛfe aba,
Na kamfo a wokamfoo no nyinaa bɛyɛ ɔkwa.
12 Fa wo koma gye nteɛso tom,
Na fa w’aso tie nsɛm a ɛma nimdeɛ.
Sɛ wode abaa hwe no a, ɔrenwu.
17 Mma wo koma ani mmmere abɔnefo,+
Mmom suro Yehowa daa nyinaa.+
18 Woyɛ saa a, ebesi wo yiye daakye,+
Na wɔrentwa w’anidaso nkyene.
19 Me ba, tie na yɛ onyansafo,
Na ma wo koma mfa ɔkwantrenee so.
20 Nkɔka wɔn a wɔnom nsã* pii+
Ne wɔn a wodi nam fuu no ho.+
21 Efisɛ ebehia asabofo ne adidifo,*+
Na nea ɔtɔ nko no, ntamagow na obefura.
24 Anigye na ɔtreneeni papa benya;
Ɔba nyansafo papa bedi ne ho ahurusi.
25 Wo papa ne wo maame bedi ahurusi,
Na wo maame a ɔwoo wo ani agye.
29 Hena na ɔwɔ amanehunu mu? Hena na ɔwɔ ahoyeraw mu?
Hena na ntɔkwaw ahyɛ no ma? Hena na ɔredi abooboo?
Hena na wapirapira opira hunu? Hena na n’ani ayɛ sann?
Bere a ɛretwa ahuru wɔ kuruwa mu, na ɛkɔ yɔɔ no.
32 Efisɛ ebewie ase no, ɛbɛka te sɛ ɔwɔ,
Na ebepuw bɔre te sɛ ahurutoa.*
34 Wobɛyɛ sɛ obi a ɔda ɛpo mfinimfini,
Na wobɛyɛ sɛ obi a ɔda po so hyɛn dua so.
35 Wobɛka sɛ: “Wɔbɔɔ me, nanso mante.*
Wɔhwee me, nanso manhu.
Bere bɛn na mɛsɔre?+
Minyaa bio a, anka mɛnom.”*