Mmebusɛm
2 Osikani ne ohiani nyinaa, ade baako bi wɔ wɔn ho.*
Ɛne sɛ, Yehowa na ɔbɔɔ wɔn nyinaa.+
5 Nsɔe ne mfiri wɔ okontomponi kwan mu,
Na obiara a ne nkwa* ho hia no de, ɔtwe ne ho fi ho kɔ akyirikyiri.+
13 Ɔkwadwofo ka sɛ: “Gyata wɔ abɔnten!
Obekum me wɔ abɔnten!”+
14 Mmea a wɔaman* ano yɛ amoa donkudonku.+
Nea Yehowa abu no fɔ no, ɔno na ɔbɛtɔ mu.
17 Yɛ aso na tie anyansafo nsɛm,+
Sɛnea ɛbɛyɛ a wode me nimdeɛ bɛto wo koma so.+
18 Efisɛ eye sɛ wode besie wo komam,+
Sɛnea ɛbɛyɛ a ne nyinaa bɛda w’ano daa.+
19 Nea ɛbɛyɛ a wode wo ho bɛto Yehowa so no,
Merema wo nimdeɛ nnɛ.
20 Makyerɛw wo dedaw,
Na matu wo fo ama wo nimdeɛ,
21 Sɛ ɛnkyerɛ wo nsɛm a ɛyɛ nokware a enni huammɔ,
Sɛnea ɛbɛyɛ a wubetumi de amanneɛbɔ a ɛyɛ nokware akɔma nea ɔsomaa wo no.
22 Nsisi ohiani, esiane sɛ ɔyɛ ohiani nti,+
Na ntiatia mmɔborɔwa so wɔ kurow pon ano.+
23 Efisɛ Yehowa ankasa bedi wɔn asɛm ama wɔn,+
Na obiara a osisi wɔn no, Obegye ne nkwa* afi ne nsam.
24 Wo ne onipa a ne bo fuw ntɛmntɛm mmfa yɔnko,
Na wo ne onipa a ne koko haw no mmmɔ,
25 Na woansua n’akwan da,
27 Sɛ woannya nea wode betua a,
Wobeyi wo mpa afi w’ase!
29 Woahu onipa a n’adwuma ho twa* anaa?
Ahemfo anim na obegyina;+
Ɔrennyina onipa biara kɛkɛ anim.