Efi Ahemfo No Bere So Kosi Bere a Wɔsan Kyekyee Yerusalem

Nsɛm a ɛwɔ ɔfã yi mu no sisii bɛyɛ mfe 600 ntam. Ɔhene Saul ba Yonatan na yɛde no befi ase. Afei, yebesusuw Dawid ho. Israel ahemfo a wɔdii Yehowa nokware no, ɔno na odi kan. Yɛbɛsan ahwɛ bere a Yehowa nkurɔfo fii Babilon san bɛkyekyee Yerusalem kurow no. Bible mu nnipa bi te sɛ Abigail, Natan, Elia, Daniel, Ester, Nehemia, ne afoforo nso, yebesua wɔn ho ade, na wɔn nsɛm no bɛhyɛ yɛn nkuran paa. Ɔhaw a wɔhyiae no, na wɔbehia akokoduru kɛse. Yɛbɛyɛ nhwɛso a, na ebinom yɛ ahemfo a wɔn manfo mfa Onyankopɔn asɛm nyɛ hwee, na ebi nso, na wɔn ahemfo mmom na entie Onyankopɔn asɛm. Ebinom wɔ hɔ nso a, na ɛsɛ sɛ wɔde akokoduru kɔbɔ Onyankopɔn nkurɔfo a wɔredi bɔne na wɔakodi abosom akyi no kɔkɔ.