Yɛde Anigye To Nsa Frɛ Wo

Ɔbarima Yesu Kristo wu bɛboro mfe 1,900 ni no yɛ adesamma abakɔsɛm mu asɛm a ɛho hia sen biara a esii. Ebuee daa nkwa wɔ Paradise tebea horow mu ho anidaso ho kwan maa yɛn nyinaa. Wɔ adeyɛ tiawa bi mu no, Yesu de bobesa ne abodoo a mmɔkwaw nnim yɛɛ ne desani afɔrebɔ a efi ɔdɔ mu no ho sɛnkyerɛnne. Afei ɔka kyerɛɛ n’asuafo no sɛ: “Monyɛ eyi mfa nyɛ me nkae.” (Luka 22:19) So wobɛkae?

Yehowa Adansefo de anigye reto nsa afrɛ wo sɛ bɛka wɔn ho na monhyɛ Nkaedi yi ho fã. Ɛbɛba so bere a owia akɔtɔ wɔ ɛda a ɛne Nisan 14 a ɛwɔ Bible kalenda so no hyia no so. Bisa wo mpɔtam hɔ Yehowa Adansefo ma wɔnkyerɛ wo bere ne beae pɔtee a wɔbɛyɛ no. Ɛda a wɔbɛhyɛ fã yi wɔ 1992 mu no bɛyɛ Fida, April 17.