Asemmisa Afã

◼ So ɛsɛ sɛ asafo no de Yɛn Ahenni Som no bi to hɔ?

Wɔ September 1972 Ahenni Som no mu no, wɔdaa no adi sɛ ɛyɛ papa sɛ wɔde Yɛn Ahenni Som a ɛba ɔsram biara no bi bɛto Ahenni Asa so nhomakorabea na wɔde ayɛ nhwehwɛmu. Ɛda so ara fata sɛ wɔde bi bɛto Ahenni Asa biara so nhomakorabea na mpanyimfo ne adawurubɔfo no de adi dwuma.

Sɛ ebi wɔ hɔ saa a, adawurubɔfo betumi akɔhwɛ nsɛm a ɛfa nsɛm a wɔbɛka akyerɛ wɔ asɛnka mu, Bible adesuayɛ, sankɔhwɛyɛ, ne ade ho. Wobetumi ahu nsɛm pa a wɔde bedi dwuma wɔ ɔsom adwuma no mu wom. Bere ne bere mu no, Yɛn Ahenni Som a ɛba foforo no twe adwene si nsɛm a wotintimii ansa na anuanom no mu binom de wɔn ho bɛbɔɔ asafo no ho. Sɛ wɔde bi to hɔ a, afoforofo betumi anya mu mfaso. Wobetumi de Yɛn Ahenni Som a aba atwam no bi ahyɛ Ɔwɛn-Aban file foforo a wɔayɛ no mu wɔ Ahenni Asa so.

Ɛsɛ sɛ mpanyimfo no paw Teokrase Ɔsom Sukuu sohwɛfo no anaasɛ asafo mu ɔsomfo bi a ɔfata ma ɔhwɛ hu sɛ wɔde foforo hyem ɔsram biara. Ɛwom sɛ asɛm a wɔde ba Yɛn Ahenni Som no mu no yɛ nyansahyɛ ahorow na ɛnyɛ mmara katee de, nanso ɛyɛ nhoma pa a wɔde yɛ nhwehwɛmu a ɛsɛ sɛ wɔde ka nhoma a ɛwɔ asafo biara Ahenni Asa so nhomakorabea no ho. Nanso, wɔrentumi nkra Yɛn Ahenni Som a aba atwam no bi mfi Asafo ti no hɔ.